Lider di Mas Marisol Tromp ta un experto den manipula y crea scenarionan di teatro unda un biaha mas Lider di MAS Marisol Tromp a crea un impresion manera cos cu no a entrega keho den e caso di SSA. Tambe e lider di MAS a insinua cu segun su pensamento ta mes un cos cu loke a sosode na Arubahuis, cu lo no a entrega keho.
Sea cu Marisol Tromp ta lubida hopi y of e tin Alzheimer of e kier manipula mane e ta bin ta haciendo henter su carera politica. Sinembargo no ta prome biaha pero den varios ocasion a splica cu den e caso di Arubahuis a entrega keho. Tambe a demostra esaki cu prueba cu keho a keda duna. No a informa comunidad solamente riba e situacion di Arubahuis, pero a bay parlamento y a informa Parlamento di loke por ta pasando y cu no ta bon y asina como prome minister di Aruba a pidi Centrale Accountantsdienst (CAD) pa haci investigacion administrativo y tambe a pidi DRH pa haci un investigacion pa loke ta trata aspectonan disciplinario.
Na momento cu e investigacionnan a caba a manda e rapport pa ministerio publico pa haci un oriënterend onderzoek pa asina nan indica si ta algo cu mester duna keho y a haya contesta cu si mester entrega keho y ta esey ta loke cu a keda haci tambe. Sinembargo no ta trata manera lider di MAS Marisol Tromp kier pretende cu su rabia y sed pa poder unda cu ta manipula y ta uza su talento pa gaña y fomenta informacionnan falso rond di procesonan cu a tuma luga.
Tambe tin un carta oficial di ministerio publico a keda entrega na prome minister unda cu a entrega keho riba e situacion di Arubahuis y keho a wordo entrega. Actualmente e caso ta den man di husticia unda cu ministerio publico ta bezig cu ne.
Te ainda no ta compronde e modus operandi di lider di MAS Marisol Tromp unda cu ta fomenta cosnan cu no ta berdad . Sinembargo si lider di MAS Marisol Tromp kier duna un mensahe y kier bisa algo y kier mescla e informacion cu mentira e ta daña e balor di loke e ta trece padilanti.
