Lider di FUTRO su inicio y scol politico ta partido AVP. Un enseñansa cu lider di partido FUTURO Gerlien Croes ta sigui y ta haci esaki hopi bon como politico. Sinembargo si mester scucha lider di FUTURO papia riba topiconan di Pais Aruba ta bon cla cu Lider di FUTURO Gerlien Croes no ta suficientemente cla y prepara, ainda e politico ta demostra cu no sa y of no ta compronde politica.
Den e debate di camara di comercio lider di FUTURO Gerlien Croes ta indica cu Aruba ta den un crusada asina importante y decisionnan mester wordo haci y na unda cu lo a lubida inversion den nos hende nan , tambe ta indica cu presupuestonan ta keda presenta y cu cifranan di Aruba ta bon pero cu e entradanan aki no ta yega na e comunidad.
Sinembargo lider di FUTURO ta lubida cu awe nos ta na 2024 y e añanan cu a pasa desde cu MEP a tuma manda na 2017 e historia ta cla y raspa y no por a inverti den nada y ni den nos hende nan paso placa mester a bay pa salba bida di hende. Esaki ta caminda cu Lider di partido FUTURO kier manipula cu informacion unda cu ta haci manera no ta dedica na nos ciudadanonan, pero e realidad ta cu a percura pa tur hende na Aruba a pasa un pandemia cu cuminda riba mesa y por ricibi cuido medico durante di pandemia unda cu profesionalnan a traha di dia y anochi pa combati e COVID te cu 2023 cu ta aña pasa.
Awo cu tin espacio financiero y den e presupuesto nobo awo tur e deseonan vocifera cu lider di FUTURO kier a mira durante di pandemia , awo nan por bira un realidad debi cu e prioridad awo cu no tin pandemia ta otro.
Tambe e politico di generacion hoben cu ta keda practica e politica bieu ta duna di conoce cu gobierno no kier presenta un jaarrekening , pero si realmente lider di FUTURO kier sa unda e placa ta bay , pesey tin un presupuesto di Aruba y den dje ta haya pa mira unda cada placa chikito a keda destina y nos mester ta serio politicamente debi cu un jaarrekening no ta duna un bista unda e placa ta bay, pero un presupuesto si por mira detayadamente den cada ministerio unda e placa ta bay. Si berdaderamente e interes di Gerlien Croes ta pa sa unda e placa di Aruba ta bay e mester por sa con pa lesa un presupuesto di Pais Aruba y mester por compronde kico ta finansas publico.
Tin un diferencia entre un jaarrekening y un presupuesto, pero banda di dje tambe tin rapportnan local, banco central, Raad van Advies, rapport di CAFT, rapport di IMF, Rapport di standerd & poors, fitch, moody’s y tur e presupuestonan. Tin rapportnan local, internacional y den Reino cu cualkier politico por haya informacion.
E drama pa cu jaarrekening ta significa cu no ta compronde e trabou cu ta wordo hinca den e landspakket , e no por a lesa e agenda y e ora e no ta compronde y di otro banda na momento cu ta scucha lider di partido FUTURO ta bisa cu e no sa unda e placa ta bay , esey kiermen cu nan no ta compronde tampoco con presupuesto di pais Aruba ta hinca den otro y tampoco kico un jaarrekening mes ta duna. Lider di FUTURO Gerlien Croes no ta compronde finansas publico y no kier mira e diferencia entre un jaarrekkening, presupuesto y rapportnan.