Lider di partido FUTURO Gerlien Croes hopi contento di participa na e debate di KVK y Universidad di Aruba. Segun Lider di FUTURO Aruba tin e necesidad di keda informa debidamente pa haci un escogencia dia 6 di december proximo. Pa partido FUTURO esaki no ta un etapa nobo pero na mes momento ta inspira pueblo pa un etapa nobo den politica na Aruba dia 6 di december proximo. Tin hopi puntonan di atencion den comunidad na e momentonan aki y ta lamenta cu e tempo ta limita pa por expresa y trece posibel solucionnan padilanti.
Ta trata aki costo di bida , salubridad y vivienda, pero generalmente kier sa tambe con lo bay soluciona esaki. Den e debate di KVK e oportunidad tabata basta limita pa por a vocifera mas unda cu por comparti na un escala kico ta e pensamento di partido FUTURO. Si mester papia awe di costo di bida partido FUTURO tin hopi ideanan y plan nan pa ehecuta den corto plaso despues di un eleccion cual ta reforma nan fiscal cu directamente por haci efecto riba e cartera di e ciudadanonan, baha loonbelasting, hisa e belasting di vrijevoet, hisa reparatietoeslag . Pa lider di FUTURO e prioridad na e momentonan aki ta finalisa negociacion cu Hulanda mirando cu Aruba ta pagando hopi na interes.
Tambe ta sinti cu gobierno no ta transparente y no tin boluntad politico. Lider di FUTURO no ta mustra cu tin problema cu supervision di Hulanda, si mester mira e necesidad den nos comunidad ta decisionnan cu mester tuma na fabor di comunidad, no mester tin miedo pa haci cosnan manera cu e ta pensa cu ta miho, pero na mes momento Aruba mester por prueba su mes tambe cu e tin e capacidad ey. Segun Lider di FUTURO Gerlien Croes na momento cu bo ta mira cu tin un Aruba cu pa 6 aña largo no a entrega su jaarrekening bo no por spera otro na momento cu Hulanda ta presta Aruba cantidad di miyon y cu Aruba no por cumpli cu solamente mustra unda Aruba ta para.
Lider di FUTURO Gerlien Croes ta kere cu mester negosha dinobo y mester mira kico mas por hinca den e aliniacion di negociacion nan aki porehempel e refinanciamento di proyecto PPP pa asina baha e cantidad di interes cu ta paga pa asina por duna bek na comunidad di Aruba. Demasiado aña Aruba a inverti den e infrastructura cu nos ta wak, pero e infrastructura Humano a keda atras segun lider di partido FUTURO Gerlien Croes. Esaki ta nos oportunidad pa cambia nos forma di pensa pa asina hiba un politica di honestidad y alabes un politica di contenido y profecionalidad
