Lider di fraccion Accion 21 Miguel Mansur ta hopi preocupa riba e proceso di Ombudsman cu mester tuma luga awe den parlamento. E ley di Ombudsman no a keda hancra den e statuto dus un mayoria simpel tin pa nombra e Ombudsman. Si e Ley di Ombudsman a keda hancra den statuto tabatin mester di 2 tercera parti y esey no a sosode debi cu MEP y RAIZ tabata kier pa por a nombra e Ombudsman cu 2 tercera parti pero pa kite cu mayoria simpel, esey ta pone cu si e Ombudsman ta mucho critico cu e gobierno, e por wordo kita si mayoria simpel vota den parlamento.
Segun lider di fraccion Accion 21 riba e parti aki a para y a bisa si ta nombra un Ombudsman votado 2 tercera parti, pa por kite tambe mester ta e caso pa asina duna e Ombudsman e proteccion necesario.
MEP y RAIZ no tabata kier pa e ley ta asina y pa Accion 21 e ta motibonan obvio segun Miguel Mansur . Awor Parlamento a haya tres nomber di personanan cu a solicita pa bira Ombudsman , esaki parlamento a haya for di presidente di HOF van Justitie, presidente di Algemene Rekenkamer y Presidente di Raad van Advies, e tres organonan aki a haci e screening di e cantidatonan di Ombudsman pa asina parlamento haya esaki y di e manera aki por vota pa por yega na un Ombudsman pa Aruba.
Na mes momento Lider di Fraccion Accion 21 ta duna di conoce cu e ta wanta su curason si ta e candidato mas fuerte ta wordo nombra mirando cu ta mira maniobranan politico cu cierto gruponan den parlamento cu lo kier trece un hende cu ta di nan y haci e nombramento uno politico.
Parlamentario Miguel Mansur ta hopi preocupa con e proceso di nombracion pa un Ombudsman ta canando.