E iniciativa di ley pa matrimonio di mes un sexo pa Aruba ta den lachi for di luna di October e ta den lachi. Segun Parlamentario Miguel Mansur E reglamento di cas di parlamento ta bisa cu unabes cu e contestanan drenta parlamento e reunion mester wordo yama. Pa parlamentario Miguel Mansur, presidente di parlamento ta maluza su posicion sea pa simplemente yuda of cede na chantahenan kisas di algun miembronan di su partido.
Parlamentario Miguel Mansur ta kere den e capacidad como presidente di Parlamento tabatin como escogencia pa para pa democracia, pa para pa nos estado di derecho, nos constitucion y reglanan di staten of ta neglisha esey pa faborece miembronan di partido.
Segun parlamentario Miguel Mansur por a tuma nota cu Presidente di parlamento a tuma e posicion cu su compinchinan ta bin prome cu nos Pais. Pa Mansur ta increibel pa kere cu e presidente di parlamento ta eligi pa representa cada un di e miembronan pa facilita e union y ta mal uza su posicion pa no yama un reunion.
Awor por scucha argumentonan cu mester sigui procedura pero ta netamente presidente di parlamento a kibra procedura segun lider di Accion 21. Por a mira cu e ley ultimo cu a pasa di mantene e personanan mas largo den un warda di cel cu ta un ley cu a drenta na 2023 y nunca e la bay na un comision. E presupuesto cu ta e ley di mas importante di Pais Aruba den e 4 presupuestonan cu a wordo trata yun biaha e no a bay un solo comision. Aki ta mira cu presidente di parlamento ta trata di tapa su mes unda cu ta inventa un procedura cu no ta hancra den nos reglamentonan di parlamento, contrario na esun cu ta exigi cu un ley mester wordo trata unabes cu e preguntanan ta aden. Parlamentario Miguel Mansur ta duna di conoce cu a tuma nota di e carta cu parlamentario Misha Raymond a publica pero tambe a tuma nota di e declaracion di lider di MEP.
Parlamentario Miguel Mansur ta di opinion cu e falsedad y gañamento mester caba y nos mester señala na momento cu un politico ta gaña y cu nan ta traiciona e mandato cu pueblo a duna nan. Tur politico tey pa sirbi e pais y e interes general. No por ta cu un partido aunke cu ta e partido di mas grandi den staten unda cu MEP actual tin 9 asiento y 7 di nan ta di MEP y e otro dos asientonan ta di RAIZ cu ta mustra cu ta un partido cu no tin un mayoria den staten dispuesto pa denegra nos democracia y dispuesto pa denegra e nacion cu nan fundado a lucha pa complementa pa complace miembro di nan partido. Pa parlamentario Miguel Mansur esaki no ta aceptabel y aplicacion pa libertad di cada ciudadanonan di Aruba y sigur di e nacion di Aruba.
Por a tuma nota cu prome minister a declara cu mester sigui e procedura y un di e procedura di parlamento ta cu un lider di fraccion ta duna di conoce cu e partinan aki mester wordo maneha den CHA.
CHA ta e comision cu ta consisti di tur lider di fraccion y e miembronan independiente y presidente di parlamento ta sinta na cabes di e comision. Lider di fraccion 21 a pidi un reunion di urgencia dialuna 10 or di mainta mirando cu kalender di parlamento ta completamente habri e reunion por tuma luga. Sinembargo diabierna pa 3:30 di atardi ainda no a haya confirmacion cu e reunion lo wordo yama.
