Lider di partido Dialogo y progreso sostenibel PDP Leonardo Figaroa ta duna di conoce cu Minister Ursell Arends tin un maneho na e momento nan aki cu ta bisa cu e aumenta e cantidad di asiento di 5 pa 7 unda cu e ta cambia e articulo uno , pero e articulo 1 ta bisa “tenhoogste zeven zitplaatsen “ cu tin consecuencia negativo pa e taxistanan cu tin un auto grandi cu tin cu bay kita stoel , pero tambe cu e echo cu hopi biaha cu e taxistanan cu ta busca trabou na aeropuerto y hotel e famianan grandi ta bay den un solo auto.
Tambe articulo 26 di e Landsverordering persoon vervoer ta bisa maximo 5 persona e taxinan por transporta , esaki ta para den ley y loke cu tambe e mandatario mester tene cuenta cu ne ta cu ley ta para riba maneho, awor aki Minister di transporta Ursell Arends ta saca un Ministeriele Beschikking MB siendo e ley ta bisa otro . Pa Lider di partido Dialogo y progreso sostenibel PDP Leonardo Figaroa esaki ta contra di ley di loke Minister di transporte Ursell Arends ta haciendo cu e taxistanan.
Tampoco e mandatario su forma di actua no ta esun di mas corecto tampoco , debi cu si berdaderamente tin e deseo di trece cambio y kier cambia e maneho e caminda pa cana ta parlamento. Tambe Lider di partido Dialogo y progreso sostenibel PDP Leonardo Figaroa ta lamenta cu ta crea un pensamento y of ta acusa enbes di trece solucion unda cu ta punta dede riba e taxistanan unda cu nan ta bende permiso y cu esaki ta contra ley, pero e pregunta ta keda kende realmente ta firma e permisonan ? e minister mes ta firma nan, segun e politico hoben articulo 7 ta duna e minister e autoridad pa firma e permiso.
Tambe tin un Landsbesluit LB cu ta regla un comision persoonlijk vervoer cu mester duna conseho. Articulo 4 di e landsverordering ta regla esaki , pero e realidad ta cu e comision nunca no a presenta y of ser yama y no a sinta nunca cu e mandatario. Actualmente minister di transporte Ursell Arends ta bin cu un maneho sin cu e maneho aki a haya un conseho di e comision cu ley ta oblioga e mandatario na nombra hende den e comision.
Na mes momento Minister Ursell Arends lo por spera un carta sigur di Lider di partido Dialogo y progreso sostenibel PDP Leonardo Figaroa cu preguntanan skerpi principalmente riba e aspecto huridico cu no ta canando bon y abase di ley.
E situacion aki por wak e mes cos cu DIP , ley ta duna e minister un autoridad. E articulo 15 cu eingelijk ta e overschijving di permiso cu pa hopi di e taxistanan e ta un preocupacion. Si un taxista bira malo mañan y of si algo mester pasa nan, nan no tin seguro nan no tin un vangnet unda cu nan lo depende di un persona di nan famia pa por cubri nan gastonan debi cu nan costo di bida ta subi. Aki ta caminda cu e minister ta esun cu ta dicidi debi cu ta minister tin e belijdsvijheid, pero awor aki e mandatario ta bin cu maneho nan unda cu e articulonan cu e mandatario ta bin cu ne den ley cu eingelijk mester duna e mandatario e autoridad , e no ta dunando e minister autoridad mas pa bin cu e maneho ey. Loke ta un realidad ta cu Ley ta mas halto cu un maneho. MB y ley ta bisa 5 persona den un taxi no 7 dus mester bay parlamento si kier haci cambio den esaki
Ta bisto cu loke Minister Ursell Arends ta haciendo no por y ta contra di ley, Lider di partido Dialogo y progreso sostenibel PDP Leonardo Figaroa ta spera cu e taxistanan por keda uni y cu nan por sigui nan siguiente stap di bay corte.
