Partido AVP tin diferente reunionnan cu nan ta trece diferente situacionnan cu nan ta haya nan mes cu ne presenta na momento cu ta bishita cas. Arthur Dowers number 3 riba lista di partido AVP ta condena y e tin un preocupacion grandi na e momentonan aki con media ta funciona na Aruba.
Den e temporada di eleccion semper ta saca un ley for di lachinan bieu, un ley cu a keda traha hopi aña atras y awo ta exigi for di stationnan di radio y TV pa nan tene nan mes na un cantidad di ora hopi abou cu nan por duna cobertura na actividadnan politico.
Segun Arthur Dowers un politico cu ta miembro di parlamento no por papia y expresa su preocupacionnan pa loke ta pasa den e Pais debi cu e ley ta restringi e medionan. Sinembargo segun Arthur Dowers gobierno den conferencia di prensa ta papia oranan largo y no tin ningun restringshon riba esey, pero na momento cu miembro di parlamento kier contesta y of kier cuestiona no por haci esaki. E organo cu ta controla gobierno di Aruba ta parlamento y e manera pa haci esaki ta door di denuncia loke cu gobierno ta haci y mustra loke ta robes cu gobierno ta haci den prensa y na e momentonan aki ta keda limita door di esaki pa un ley bieu.
Actualmente radio stationnan por toca por toca cierto musica nan tanto minuut, pero ningun hende no ta controla esaki, pero solamente na momento cu eleccion yega nan ta uza e ley pa e temporada di eleccion, pero henter e aña e ley no ta activo y no ta controla esaki tampoco.
Segun Arthur Dowers e ley ta un ley cu no ta pas den e tempo aki, pero si ta pas den e gobierno actual cu ta un gobierno dictatorial, un gobierno cu ta “pas toe” tur e trikinan di e sistema chavista unda cu ta horta e eleccion y ta limita e libertad di expresion door di politiconan door di uza un ley bieu.
Sinembargo si mester mira e proceso cu tin debi na e ley bieu aki, tur hende ta bay via di otro medionan, pero lamentablemente loke ta un realidad cu e medianan cu no ta radio y TV no tin mes un acogida popular. E situacion ta hopi lamentabel debi cu e mensahe no ta yega na e pueblo, pero si gobierno por adapta e landsbesluit, pero ta nenga di haci esaki debi cu te na e momentonan aki e ta cumbini gobierno y e ta atrapa e derecho di politiconan di e Pais.
Sinembargo Arthur Dowers di partido AVP ta kere firmemente cu e leynan aki mester cambia , pero na mes momento ta haya straño cu e propio media ta keda keto siendo cu tin un oportunidad pa e medianan manera Radio y TV tambe gana un poco placa den e temporada di eleccion. Sinembargo tur hende ta keda keto y ta laga otro gruponan den media so gana tur e placanan cu tin y asina por mira cu tin prijsnan sumamente ridiculo pa por haci un propaganda, porehempel un entrevista ta costa 1000 florin. Pa ta hopi cla e panorama aki no ta pas den un democracia, pero lamentablemente tur hende ta keda keto y e democracia ta keda atrapa.
Na mes momento Arthur Dowers di AVP ta duna di conoce cu democracia riba su mes no ta algo cu hopi hende ta interesa den dje. Actualmente Aruba tin un sistema democratico cu nos ta bringa pa mantene, mes un cos cu nos tin un autonomia cu a perde door di Evelyn Wever Croes pero yun hende no ta worry , pero na momento cu perde e autonomia completo e ora e hende nan ta bin bij y bisa mi a drumi y mi a keda keto siendo cu mester a actua pa mi derechonan no wordo atrapa.
Arthur Dowers di Partido AVP ta spera cu e hende nan ta consciente y alabes ta haci un yamada na prensa pa no mantene nan mes na e reglanan dictatorial paso e reglanan no ta conta pa nan pero e ta conta pa partidonan politico y no miembronan di parlamento y mester duna parlamento e oportunidad pa e miembronan di parlamento pa haci nan trabou.
Si prensa mes no por distingui e dos metodonan aki e conocemento di media ta hopi abou. E medio mester por sa y distingui na ki momento un noticia ta un noticia di trabounan di dia di un parlamentario y un minister y of informacion politico cu ta pega na e ley. No ta aceptabel cu prensa ta dies censura tur cos abase di no tin e conocemento di distingui.
Aruba ta bibando un dictadura moderno cu dia 6 di december proximo mester desmantela. E situacion aki ta corta den raiz di democracia y esunnan cu ta den gobierno nan mester realisa nan mes cu mester bay cu tempo y mester duna e caminda pa democracia funciona ta door di crea transparencia unda cu ta duna hende oportunidad pa expresa nan mes ta crea transparencia den e pais y esey ta pone democracia florece. E hende mester compronde cu no mester dies worry cu nan so , cu nan mes , pero worry cu e democracia cu ta conta pa nos tur su derecho keda respeta.