E ley di Reino Hulandes “consensus bescherming persoonsgegevens” pa proteccion di informacion priva di hende no ta un ley pa bin cu un server grandi unda cu tur hende su informacion ta bay ta riba dje. Tampoco e ley aki no ta pa Hulanda centralisa formacion personal di tur hende aki na Aruba, tur e dos puntonan aki no ta cuadra cu berdad, E ley aki ta netamente pa garantisa privacidad di hende,Segun Parlamentario independiente Ryçond Santos do Nascimento.
Tin hopi desinformacion di e ley aki den comunidad unda cu ta trece miedo y panico sin tin mester siendo cu Aruba tin mester di mas regla pa privacidad. Sinembargo hopi ta e preguntanan dicon e ta bin den un consensus rijkswet? Pa Parlamentario Independiente Ryçond Santos do Nascimento esaki ta bisto y ta bon cla cu Aruba su gobierno nan den Caribe mes a indica na gobierno di Reino cu tin e deseo pa cierto tratado cu ta deal cu e privacidad cu ta conta porehempel pa Aruba tambe.
Na momento cu ta pidi Hulanda pa e conta pa Aruba tambe e ora mester cumpli cu e exigencianan di e tratado internacional. Segun Parlamentario Independiente Ryçond Santos do Nascimento den cuadro di sosten e ora Hulanda tabata dispuesto pa bin cu un “consensus rijkswet”cu ta uniforma y cu lo yuda y alivia e peso riba e capacidad di Aruba porehempel pa traha riba su mes un reglanan pa su mes un leynan paso departamento encarga pa traha ley na Aruba ta man yen na e momentonan aki. Esaki ta significa cu cada ayudo cu ta serio parlamentario independiente Ryçond Santos do Nascimento ta kere cu mester ser invita, aplaudi y ta agradecido cu Aruba tin e posibilidad nan aki.
Tampoco no ta tur cos cu ta bin for di Hulanda automaticamente nos mester bisa cu esaki ta atacha nos autonomia ect ect paso esey no ta cuadra cu berdad. Segun Parlamentario Independiente Ryçond Santos na momento cu ta papia di derechonan humano, automaticamente ta papia di derechonan cu no ta absoluto, esey kiermen mester tene cuenta cu e derecho di e otro hendenan y esaki ta hustamente locual e ley “consensus bescherming persoonsgegevens” pa proteccion di informacion priva di hende cu Hulanda kier bin cu ne su proposito ta.
Delegacion di Aruba na IPKO a haya presentacion riba e contenido di e ley y a mira e principionan di locual e ley ta basa, pero na final di dia naturalmente Parlamentario nan mester lesa e concepto cu Hulanda ta preparando y na momento cu lesa e concepto e ora por evalua y por bisa cu kisas tin un articulo of dos articulo cu ta bay mucho leu cu ta atacha e autonomia porehempel of ta mira cu e articulo no por wordo implementa na Aruba pa cualkier motibo ect ect, pero loke cu tambe ta un realidad te na e momentonan aki no por sa tanten cu no por wak e ley.
Segun Parlamentario Independiente Ryçond Santos do Nascimento na momento cu wak e ley y sa cu e principio nan ta bon nos yun no por critica e ley riba su mes tanten cu no ta wak e producto final. Banda di tur cos Parlamentario Independiente Ryçond Santos do Nascimento ta kere cu Aruba mester aplaudi tipo di leynan asina paso e ta yuda hisa e nivel di privacidad na Aruba mientras cu na e momento aki Aruba por a experencia cu den e temporada di COVID informacion medico di hende a bay riba caya sin cu e ciudadano tin proteccion, y e ley aki ta preveni pa netamente tipo di situacionnan asina sosode aki na Aruba.
E Rijkswet lo conta pa tur hende cu ta maneha informacion personal di ciudadanonan, esaki ta un ley cu ta regarda tur informacion, pero na mes momento na momento cu ta papia cu e ta regarda tur informacion esey no kiermen cu lo e bay colecta tur informacion. E ley ta conta pa tur compania y of asociacionnan cu ta atende y colecta informacion personal di hende.
Click aki bao like y share 👇🏽
1 comment
[…] Source link […]