AZV tin un proceso pa cuido medico den exterior. Vocero di AZV Solange Tchong ta recorda tur hende cu no ta asina cu e ley di AZV ta bisa cu automaticamente cu un persona cu tin deseo di opera den exterior lo keda aproba pa bay opera den exterior.
Ley di AZV ta bisa cu tur cuido medico cu por tuma luga na Aruba ta keda duna na Aruba, pero na momento cu Aruba no tin conocemento , ekipo of structura pa duna e cuido of e operacion, e momento ey AZV por cubri pa pashent bay tuma su tratamento of operacion den exterior. Esaki ta significa cu e specialista ta haci un peticion den nomber di e pashent y AZV tin un comision cu ta evalua esaki.
Pa e evaluacion AZV tin un comision tambe , esaki ta trata di un comision independiente cu ta reuni tur siman pa evalua tur e casonan. Segun Vocero di AZV Solange Tchong banda di esaki tin un linja di emergencia pa casonan cu mester bay afo cu urgencia.
E comision Commissie grensoverschrijdende zorg nan ta duna consego na AZV y 99% di e conseho AZV ta tuma e conseho over y ta manda e pashent den exterior. Aruba ta traha cu Colombia, curacao , Hulanda y Merca.
E ley di AZV ta wak prome kico tur ta e cuido cu por haya na Aruba y si eynan no por e ora e specialist ta haci e peticion cu lo pasa den man di e commission pa asina haya aprobacion pa AZV por cubri esaki y e pastient por bay tuma su tratamento den exterior.
