Durante e ultimo 4 gobiernonan e promesa pa un maneho financiero saludabel y duradero no
por a keda cunpli cunele. AVP cu un maneho di sinter-klaas cu a traduci den un redoblacion di
nos debe nacional. Y asta cu e hustificacion di e partido berde cu pueblo por wak unda e
fondonan a bay, tin hopi pregunta riba e proceso y falta di transparencia riba uso di fondo
publico. Na 2017 sra. Evelyn Wever-croes a priminti pueblo di Aruba cu e ‘ser humano lo ta
centraal y cu tin un mega debe cu gobierno mester bay reduci’. Awe e realidad ta cu e baby cu
naci na hospital tin un obligacion cu pais Aruba di 56 mil florin, e ‘debt to GDP ratio’ ainda ta
rond di 90%. Esaki kermen cu ainda Pais Aruba su situacion financiero no ta na unda nos
mester ta. PDP ta mira e importancia den tin un siguiente minister di Finanzas cu lo no tin
miedo pa introduci e medidanan necesario pa trece cambio berdadero den e maneho financiero
di pais Aruba.
Un acuerdo riba e maneho financiero pa pais aruba ta ‘non-negotiable’ pa PDP
PDP ta keda boga pa introduci un vak minister riba e tereno di finanzas publico. Pa PDP si nos
ta haya representacion den e siguiente coalicion un ‘Financieel beleids hoofdlijnenakkoord’ ta
non-negotiable, pa asina nos lo por sostene un gobierno. Nos ta e partido cu tin cu para fuerte
pa sali na defensa di e 16 mil hobennan, 9500 hobennan adulto y hobennan professional, cu
ainda no ta hustificabel cu AFLS. 56 000 ta e obligacion cu nan tin cu pais Aruba. Pa es motibo
nos partido ta propone e solucionnan necesario pa nos por cambia e rumbo di e maneho
financiero di e pais cu ta uno cu perspectiva y bista riba futuro.
1. Gobierno di 7 ministerio manera conseho di Conseheria General 25 april 2024.
Adicionalmente, fuseren di algun departamento y restructuracion di departamentonan cu
e meta pa reduci gastonan.
2. Overbruggings Toelage, ‘wachtgeld’ pa politiconan cu ta keda otorga ora nan no regresa
politica despues di eleccion pa PDP tin cu wordo elemina completamente.
3. Gastonan di gobierno nos kier reduci mediante e transicion di minimo 2000 mil
ambtenaar pa sector priva. Hulanda aworakinan lo bay bezuinig den e aparato
gubernamental no tin ningun motibo valido pa no reduci e gastonan na Aruba.
4. Lo mester regula e ‘dienstleenovereenkomsten’ cu aworakinan mayoria biaha
ministernan via ‘consultancy’ constructie ta contrata amigo, famia y conocirnan pa brinda
conseho na e ministerio. Ademas trece cambionan mas estricto den e Landsverordening
Aruba Financieel toezicht, y modernisa e ley di comptabilidad pa mara man di
ministernan y promove mas ‘checks and balances’.
5. Lo elemina e toelage di parlamentarionan y ministernan. Tur representatiekosten y
telefoonkosten lo keda elemina den cuadro di e ‘versoberingsbeleid’ di PDP. Vakantie
Uitkering lo mester keda reduci na 50% di locual e ta aworakinan. Segundamente,
mester introduci un prestatieregeling y aanwezigheidsplicht pa tur Parlamentario. Mester
midi cu gelijke maten, pueblo ta traha 8 ora pa dia y wordo paga, parlamentarionan hopi
biaha no ta presenta na trabao mes.
6. Haci mas uso di ZOOM of Google Meet pa reuni y introduci un maximum na ‘reis kosten’
pa e ministernan.
7. Regula te ki suma ministerionan por lease-auto. Sigur no mas cu 60 mil florin, un auto ta
un medio di transporte no un forma pa mustra pueblo con luhoso e ministernan mester
haci nan trabao.
8. Un ‘herziening y restructurering’ completo di e maneho di subsidio di gobierno di Aruba
Esaki ta nos puntonan cu nos ta propone pa por percura cu berdaderamente Aruba por tin un
maneho financiero saludabel. Puntonan cu no ta nobo, pero na varios ocasion den pasado no
tabatatin e curashi politico pa asina por cumpli cu e promesa cu a keda haci na pueblo di Aruba.
E biaha aki cu e conseho di Raad van Advies nos ta sinti cu nos tin suficiente argumento pa
para firme tras di nos ponencianan y inclui esaki den e acuerdo di gobernacion pa e siguiente
kabinete.