Segun e ordenansa cu ta regla e salario y beneficionan di un parlamentario, e ta haya e
derecho pa por biaha business class y recibi tambe un dagvergoeding pa e gastonan di
su biahe den exterior. Bunita pa wak cuanto palamentario ta saca e potretnan di mas
bunita riba medianan social na Hulanda, ta yena nan boca cu e importancia di
hobennan studiante pero ora nan bin bek ta haci NADA riba e tema. Nos no ta mira un
maneho activo y leynan di Parlamento cu lo por garantiza esakinan.
Mi a perde conteo di cuanto reunion di IPKO esaki ta y mi pregunta ta kico ta e balor
agrega di e IPKO pa e parlamento di Aruba. Na final di dia e ta costando pueblo di
Aruba hopi fondo sin cu ami por mira resultado concreto riba e temanan importante.
Salud mental y viviendo pa hobennan studiante na Hulanda ta un reto cu ainda no
tin solucion ni perspectiva di e politiconan actual
Un di e retonan real ta keda e seguro medico cu no ta haci accessibel pa studiantenan
por recibi sosten riba e tereno di salud mental. Pa nos partido ta importante pa por
institui un seguro medico cu ta brinda un miho cobertura pa studiantenan den exterior.
Segundamente, un idea ambicioso pero no imposibel, ta pa por crea nos propio flat
gebouwen den e cuidadnan cu mas studiante ta bay pa asina por construi esakinan.
Ademas un solucion temporario ta pa por brinda un tipo di subsidio adicional pa
studiantenan cu por cubri e prijs di huur, mirando e dificultad cu studiantenan ta pasa
aden pa por yega na un apartamentonan.
Ademas e realidad ta keda e fenomeno di brain drain, hopi studiante no ta regresa
Aruba bek mirando cu e salarionan ta mas halto na Europa cu aki.
Nos solucionnan y proposicionan ta:
– Introduccion di basiskwijtschelding di 35% di Arubalening. Eleminando e
condicionan estricto pa percura cu studiantenan por logra recibi kwijtschelding
– Introduccion di un periode di gracia (grace period) di 5 aña cu studiantenan lo no
mester paga Loonbelasting y Impuesto di entreda (Inkomstenbelasting). E asina
yama ‘kortingsregeling’ pa studiantenan
– Studiantenan den exterior ta wordo inclui den nos plan ambicioso di e pakete di
sobrevivencia pa recibi un compensacion den forma di sosten financiero pa e
gastonan halto di bida cu studiantenan ta enfrentando si nan regresa Aruba y
contribui na e ‘brain gain policy’ di gobierno.
E ta importante pa politiconan no djis bisa locual nan ta bay haci pero mas importante
haci tambe locual nan ta a bisa. Nos lo tin un sistema educacional mas miho ekipa pa
sostene e lidernan di awe den desaroyo.
