Primordialmente, mas supervision financiero externo ta importante pa asina por salvaguardia un finansas publico mas sostenibel. Actualmente den e supervision financiero cu nos a regla via e ordenansa nacional e normanan importante no ta inclui aki den. Esaki ta conduci cu nos tin un gobierno cu no tin reglananan regardando e presupuesto nacional. Esaki tin como consecuencia cu nos ta biba den un realidad cu Aruba y su pueblo no ta keda garantisa cu e suma di aumento di nos debe nacional anualmente ta keda supervisa.
Tin varios argumento regardando autonomia di pais Aruba y e begrotingsrecht tambe ta un argumento cu gobierno a indica di ta importante. Pero e realidad ta cu ja caba Aruba ta pagando alrededor di mas di 250miyon florin na interes. Un di e retonan mas grandi ta cu gobierno aki no ta creando espacio pa por mantene y inverti den e servicio publiconan. Manera tur actor importante a indica, gobierno mester cuminsa na baha su gastonan structural di un form exponencial. Mientras cu e modelo financiero di pais Aruba su gobierno ta pa hisa entreda di impuesto, tanten cu gobierno no reduci su gastonan, Aruba lo no tin un rosea y mas persona lo drenta den e pobresa nobo cu lo tin consecuencianan devastador pa pais Aruba.
Argumentonan di Gobierno
Gobierno ta presenta e ponencia cu Hulanda re-financiando e fiansa di covid na 3.1% enbes di 2.7% di locual hulanda ta presta riba e mercado di kapita ta cu hulanda lo conoce un ganashi di 0.5%, Secretario di estado kermen cu esaki ta gastonan administrativo di parti di hulanda.
Gobierno a para tras di e ponencia cu 16 miembro di parlamento lo no aproba e Raft. Ademas tambe e hecho cu e derecho presupuestario lo keda mina.
Argumento di Hulanda
Supervision financiero ta necesario paso e ta garantisa cu Aruba lo por recibi e re-financiamento na un interes mas abao cu locual ta e interes riba e mercado di kapital y cu esaki lo ta un resultado positivo pa Aruba cu e pagonan additional aki, gobierno di Aruba lo resta menos fondo pa por inverti den locual ta necesario pa Aruba.
Secretario di Estado a indica cu supervision financiero lo percura cu inversionista lo tin mas confiansa den gobierno di Aruba. Segundamente, Secretario di estado a indica cu Hulanda mes tambe conoce supervision financiero di parti Union Europeo y supervision financiero ta un elemento hopi comun den gobernacion.
Secretario di Estado a indica cu si simplemente gobierno di Aruba regla e normanan presupuestario den e ordenansa nacional (Laft) e chens cu parlamento por cambia esaki ta uno hopi grandi.
Ponencia di sr. Arends/Raiz:
E problema ta e gasto anual di mas di 250 miyon cu Aruba mester paga na interes. Pa resolve esaki Aruba mester asistencia di Hulanda y hustamente esey no ta parti di RAFT.
“supervision no por bin na luga di Gobernacion”
Un carta a keda manda pa e commission fiho di relacionan di reino y tur e lidernan di fraccion di Tweede Kamer na hulanda fecha 26 juni 2023. Den e carta lidernan di fraccion MEP & Raiz ta indica cu no mester regla e re-financiamento cu e interes via un rijkswet sino por logra esaki via un ‘leenovereenkomst’ cu tambe lo brinda e siguransa cu gobierno hulandes ta desea pa por paga e fiansa aki bek. Tambe ta menciona cu ta touch e deficit democratico cu tin den reino y cu finansas publico ta un ‘landsaangelegenheid’ esey kermen un asunto di gobierno di Aruba, cu su meta tambe ta pa por yega na un finansas publico duradero.
Kico ta e precupacion mas grandi cu ami tin?
Prome precupacion ta e hecho cu aunke e 30miyon ta zona tiki, e tin un effecto y e hecho cu gobierno ta tardando pa djies bisa gobierno cu nos lo accepta pa despues por sinta na mesa cu gobierno hulandes pa por cuminsa negocia un RAFT cu ta functiona pa nos tur ta opta pa keda postpone esaki como consecuencia nos lo mester bay paga e interes na 6-8% cu ta riba e interes di mercado di kapitaal.
Ademas un otro punto ta e hecho cu den e carta cu ta wordo manda pa Tweede Kamer, mirando e hecho cu ta tarda mas o menos 24 luna pa un Rijkswet keda cla y trata, hulanda lo brinda e interes na 5,1% pero pa e periode maximo di 24 luna. Esaki kermen cu gobierno por accepta e RAFT, bay staten y cambia e LAFT incluyendo e normanan cu a keda ancra den e protocol di 2018, pero ta postpone e problema grandi aki pa e siguiente gobierno sin cu Aruba a conoce un solucion real cu lo ta e interes na 3.1%. Esaki sigur lo tin su consecuencianan devastador pa un pobresa nobo structural cu lo keda conoce mas aumento.
Kico nos mester haci?
Como pueblo e ta importante pa nos realisa cu un biaha mas nos lo mira nos representantenan di pueblo tuma un decision cu lo ta importante y lo tin un impacto grandi pa e futuro generacion. Mi a boga y compromete mi mes cu Pais Aruba cu mi lo para primordialmente pa e mas o menos 16- pa 19mil muchanan y hobenan cu falta un bos, cu no tin representacion. Mi ta kere firmemente cu e ta den nan interes pa nos recibi un parlamento cu ta exigi di gobierno pa brinda Hulanda cu un ‘bestuurlijke akkoord’, djey Aruba por sinta na mesa y negocia e miho rijkswet pa Aruba, den e interes y bienestar general di pais Aruba. Mi ta propone na gobierno di Aruba pa cuminsa traha riba un Rijkswet Aruba financieel Toezicht ‘gearubaniseerd’, cu ta percura cu na misa gobierno por dialoga y yega na puntonan cu nos tur por biba cunele. Finalmente, maske con dolor e por ta, pa nos por papia ariba e 250 miyon cu nos ta pagando na interes, gobierno mester demonstra e ehempel y cuminsa reduci su gasto estructuralmente esaki tambe kermen ‘weg schaafen’ busca unda tin fondo cu no por wordo justifica na unda esakinan ta wordo inverti y libera fondo pa inverti den local Aruba tin mester.
Mi ta desea di por mira un Aruba cu un gobierno unda hunto nos por traha pa alcansa un prosperidad pa saca e tata y mamanan bibando den un probesa nobo cu a keda crea door di mal maneho financiero structuralmente.
Esaki tin como consecuencia cu nos ta biba den un realidad cu Aruba y su pueblo no ta keda garantisa cu e suma di aumento di nos debe nacional annualmente ta keda supervisa.”
