Durante un patruya rutinario na bordo di un Metal Shark, e personal di Wardakosta a nota dos
hòmber ku tabata sambuyá i saka kref i karkó for di awa. E hòmbernan tabatin un kantidat
grandi di kref i karkó huntu ku nan, ku tabata demasiado chikitu. Pa lèi, e ‘visserijlandsbesluit’,
ta prohibí pa saka karkó mas chikitu ku 18 sèntimeter i kref mas chikitu ku 25 sèntimeter for di
awa pa konsumo. E motibu pa esaki ta ku e animalnan aki ta ser menasá ku ekstinshon. E
karķó i e kref chikitu no ta haña chèns pa desaroya bira adulto i komo tal no por reprodusí. E lèi
ta prohibí peska tambe riba kref ku ta kambiando su kaska òf kref ku ta den fase di
reprodukshon.
