Lei di plestik ta karga aseptashon di parlamento

Durante reunión di komishon sentral

Frakshon di MAN ta kontentu ku porfin esaki ta bai bira realidat

Parlamento a trata den komishon sentral kambio di lei di Orden Publiko kaminda ta prohibi produktonan di plèstik. E lei aki lo kontribui na un miho medio ambiente i un pais limpi pa nos biba den dje. Nos mester mira e lei aki komo medio pa alsa kalidat di bida di nos pueblo.

Den introdukshon Frakshon di MAN dor di lider Politiko i di frakshon sra Giselle Mc William a indiká ku lo bini ku nota di kambio kaminda lo amplia e kantidat di produkto di plèstik. 

Nos frakshon ta kontentu ku e lei ta gosa di sosten di tur frakshon den parlamento. Frakshonan den parlamento a duna nan sosten i tambe remarkenan kual lo yuda pa hasi e konsepto di lei. 

Parlamento a bai di akuerdo pa un relato final kual despues di e relato e lei aki lo bai pa tratamentu den reunion publiko. Ku esaki prome ku final di 2023 e lei aki lo bira un realidat.