Minister di turismo Dangui Oduber tabata di bishita na La Cabana Beach Resort & Casino. E mandatario a keda ricibi pa GM Joe Najjar, su staff y personal na un manera masha amabel.
A pasa den tur e ideanan y e plannan di upgrading y renovacion cu La Cabana tin pa mehora nan producto cu nan ta ofrece na nan huespednan.
Nan a cuminsa ehecuta un masterplan cu ta encera renoba tur nan kambernan, construi un pool pa adulto so, construi un ‘activities center’ nobo cu pool pa mucha y renoba y reorganisa nan restaurantnan. Un inversion di $28 miyon cual sigur ta muestra e confianza den vision di gobierno, maneho, economia y producto Aruba. Tabata un recorido na e hotel hopi interesante y aki tambe por mira cu Hotelnan ta kere den e producto Aruba y cu despues cu Aruba a pasa den diferente retonan cu hotelnan mester a cera hopi di nan, awe por mira cu e confiansa ta sigui y construccionnan ta tumando lugar pa asina sigui yama bon bini na e turistanan cu ta bishita Aruba.
