Sekshon di Kultura, Arte i Literatura (SKAL) dianan 18 i 19 di novèmber ta organisá un kompetensia pa alumnonan ku ta bishita e diferente akohidanan despues di skol kontesta pregunta tokante historia i kultura di Boneiru. Ta trata aki di e asina yamá ‘Quiz’.
Teniendo kuenta ku e reglanan pa evitá ku e vírùs di corona ta plama, e aña aki SKAL ta organisá e ‘Quiz’ na un otro manera. E kantidat di personanan ku por ta presente durante e aktividat di SKAL ta limitá.
Kada Akohida ta skohe un alumno for di grupo seis te ku ocho. Asin’ei ta kompletá un total di tres alumno pa akohida. Lo transmití e konkurso di kompetensia via yamá “Live Streaming”. Tur Akohidanan Despues di Skol (NSO) por partisipá aktivamente pa medio di un plataforma virtual, miéntras ku lo tin premio pa e akohidanan ku ta sigui nos virtual.
Un konkurso asin’aki ta yuda amplia konosementu di e alumnonan riba tereno históriko i kultural. Pues no ta solamente un konkurso pa gana premio. Mas importante ta pa hasi e partisipante mas sabi.
Sekshon di Kultura, Arte i Literatura ta spera di por konta ku e koperashon di kada Akohida despues di Skol.
Pa mas informashon por yama SKAL via telefòn 717 5330 ext. 3612/5323 òf por manda un e-mail pa: sulainie.martis@bonairegov.com òf seferina.saragoza@bonairegov.com.
SKAL ta trahando pa konservashon, adelanto i desaroyo di nos Kultura, Arte i Literatura.