Apesar di e echo cu ta conoci cu COVID 19 por ta peligroso pa tur hende y particularmente pa personanan di edad cu ta esnan cu ta mas vunerabel pa e virus aki , tog ta drenta varios notificacion tocante di violacion di puntonan menciona den e ordenansa di emergencia .
Polis tin e tarea importante pa asina comunidad di Boneiro mantene nan mes na regla. Mirando e situacion cu tin actualmente di e virus na Boneiro awor e polisnan ta esnan cu ta vigila mas di serca riba caya pa asina tur hende cumpli cu e ordenansa cu e keda stipula pa gezaghebber.
Sinembargo loke ta un realidad durante di e control na varios ocacion polisnan mester a intreveni pa mustra e bishitantenan , prinsipalmente na e snack nan y barnan cu ta keda habri y cu nan mester mantene nan mes na e reglanan di e ordenansa cu a keda duna.
Tambe e polisnan a haya nan mes ta splica mas miho kico ta e consecuancianan na momento cu nan no ta cumpli cu e ordenansa. Loke tambe ta remarcabel ta trata di e mes un localidadnan conforme afspraak existente polis a tuma e desiccion cu lo sera e luga pa e anochi conserni y pa di e manera aki mustra e propetarionan di e localidad riba e reglanan cu nan mester tene cuanta cu ne.
Kuerpo Policial Hulanda Caribense (KPHC) ta haci registracion di e situacionnan cu nan a encontra durante cu e ordenansa ta stipula y lo haci entrega na Kolegio Ehecutivo di Boneiro pa asina por tuma medidanan riba esnan cu no ta mantene nan mes na e reglanan.
No ta husta tampoco pa esnan cu si ta mantene nan mes na e regla nan stipula y otro ta dies no tene cuenta cu ne. Kuerpo Policial Hulanda Karibense ta haci un yamada na comunidad di Boneiro completo pa nan sigui tene nan mes na e medidanan menciona den e ordenansa di emergencia, loke cu mester ta bon cla ta cu e ordenansa aki tey pa tene e hendenan mas save cu ta posibel. Esaki por na momento cu tur hende yuda contrbui.
