Na luna di oùgùstus 2024 Tourism Corporation
Bonaire (TCB) a duna rekonosementu na kuater bishitante komo embahador di Boneiru.
Leo Irakliotis ta bishitando Boneiru pa 20 aña. El a risibí su rekonosementu den kategoria
di oro. “Mi ta bishitá Boneiru primeramente pa su sitionan enkantador pa buseo, pero
tambe pa relahá i pa bishitá amigunan ku durante añanan mi a sera konosí kuné,” asina
Leo a trese padilanti. Pa e okashon akí a otorgá Leo su feneta di oro.
Roseanne Nandan tabata imensamente kontentu na momentu ku a honr’é ku un plakat di
platina, ku ta e rekonosementu di mas haltu komo embahador di Boneiru. Sra. Nandan ta
bishitando Boneiru pa 37 aña konsekutivo. “Boneiru su habitantenan ta amabel i
kariñoso, e naturalesa ta impreshonante i e kuminda ta ekselente,” segun sra. Nandan.
Douglas i Jane Kline tambe a keda rekonosé komo embahador di platina, pero pa motibu
di kebrante di salú no por a asistí na nan seremonia. A hasi entrega di e plakatnan
korespondiente na nan akomodashon di vakansi.
Pa TCB tabata Virgy Balentin i Helen Mercera ku a ofisialisá e seremonianan i a hasi
entrega di e sertifikadonan, fenetanan i plakatnan korespondiente na nos
embahadornan.
