KRALENDIJK, Bonaire
Den añanan tras di lomba, a detektá ku filternan di UV ku krema solar ta kontené, a oumentá gradualmente den laman na kosta. Tin indikashon ku e filternan di UV ta sigui hasi koralnan suak, i di tal forma laga awa di laman ku ta subi di temperatura a konsekuensia di keintamentu global, sigui hasi daño na e koralnan. Esaki ta e konklushon di un estudio resien hasí pa Wageningen University & Research (WUR).
Sientífikonan di Wageningen University & Research den un laboratorio a hisá e temperatura di awa den baki di dos tipo di koral di piedra, di 26 grado pa 33 grado Celsius pa imitá e efekto di kambio di klima. Ademas, nan a agregá e filter di UV oxybenzon na e awa. E nivelnan di e oxybenzon tabata basá riba e nivelnan ku e reportá ku e laman na kosta di Boneiru tin.
Stress prolongá
A investigá e koralnan pa mas ku seis siman. “Esaki tabata úniko,” Diana Slijkerman of Wageningen Marine Research a bisa. “E investigashonnan akí di stress normalmente ta di tempu kòrtiku, pero e eksposishon króniko akí na un konsentrashon abou di supstansia dañino a duna nos oportunidat di imitá e situashon manera tin den naturalesa mas mihó posibel.”
A resultá ku e efekto di temperatura ku subi ta mas grandi riba e salú di e koralnan, pero e resultadonan ta sugirí tambe ku krema solar ta hasi e daño na e koralnan te asta mas grandi. Slijkerman: “E awa di laman kayente ta e menasa mas grandi, pero ta mustra ku oxybenzon ta agregá daño pa lastimá e koral ku ta suak kaba den asuntu di keintamentu global“.
Refnan di koral bou di preshon
Refnan di koral ta bou di preshon rònt mundu a kousa di oumentu di temperatura di awa di laman, baimentu atras di e kalidat di awa di laman, malesanan i asidashon. Resientemente un preshon nobo a bini aserka: presensia di nivel haltu di filter di UV den e awanan na kosta kousá pa uso di krema solar ku landadónan ta hasi uso di dje.
Pues e estudio akí ta pone énfasis riba e importansia di medidanan lokal. “E problema mayó ta kambio di klima anto lokalmente abo por tin un tiki influensia riba esaki,” Slijkerman ta splika. “Pero abo siguramente tin kontrol di e kalidat di awa.” Esaki no ta asuntu di polushon di krema solar, pero tambe, por ehèmpel laga awa di shushi kore bai i di eroshon.
Risibí notisia tokante naturalesa
Keda haña informashon tokante investigashon di naturalesa i monitoreo di proyektonan na Hulanda Karibense pa medio di Dutch Caribbean Nature Alliance’s (DCNA) su boletin di notisia digital “BioNews”. ku ta grátis. Registrá akí, ta gratís: https://www.dcnanature.org/subscribe/
