KPCN ta hala atenshon riba seguridat di vehíkulo despues di 40 notifikashon di ladronisia

Kuerpo Polisial Hulanda Karibense (KPCN) te ku awor a registrá 40 notifikashon di ladronisia for di
vehíkulo òf for di den vehíkulo e aña aki. E kantidat di insidente aki ta pone enfasis riba e nesesidat
pa komunidat di Boneiru, tantu suidadano komo bishitante, pa di inmediato tuma medida adishonal
pa protehá nan vehíkulo. Polis ta pidi un i tur pa ta alerta i pa tuma medida simpel pero efektivo pa
minimalisá e riesgo di ladronisia.
 Sera bo vehíkulo bon: Sòru pa tur porta i bentana ta será bon ora bo sali for di bo vehíkulo,
asta si ta pa un ratu kòrtiku.
 No laga artíkulonan di balor: No laga artikulonan di balor di forma visibel den bo vehíkulo.
Bai ku nan òf warda nan den bahul.
 Stashoná na un sitio seif: Skohe un sitio di stashoná ku bon iluminashon i ku ta bon bishitá.
Si ta posibel, stashoná riba un tereno ku tin vigilansia di kamara.
 Usa sistema di seguridat: Konsiderá pa instalá un alarma di auto.
Dor di kompartí e medidanan di prevenshon aki, nos ta spera di por baha e kantidat di ladronisia i pa
oumentá e seguridat general di nos komunidat. Polis ta keda investigá e insidentenan aki
aktivamente i ta pidi komunidat pa mèldu kualkier situashon sospechoso mesora.