Tempo cu a lanta Guarda nos Costa no tabatin nada, pero e vision di defunto ex minister di husticia Rudy Croes tabata pa lanta un departamento cu ta cuminsa vigila costa. Sinembargo tabatin kustwacht cu ta haci un tremendo trabao, pero tabatin un necesidad pa pone hendenan rond di costa mirando cu e tempo ey tabata tende,sinti y wak cu tabatin botonan tabata drenta y no tabatin control.
Sra. Trudy Hassell ta duna di conoce cu Guarda nos Costa a keda lanta primeramente pa ta e wowo na costanan di Aruba, sinembargo na momento cu a mira e exito di Guarda nos costa unda cu a para hopi boto cu tabata bin aden na e isla sin permiso, por a mira cu tabatin otro movecionnan unda cu no ta solamente e personanan tabata trata di drenta via barco so, pero nan tabata drenta via di aeropuerto tambe, mester bisa si cu te dia di awe e ta asina.
Segun Sra. Trudy Hassel mayoria di e personanan cu ta keda riba pais Aruba ta esunnan cu ta drenta via di airport y no via di lama. Door di e movecion aki a bin cu e idea pa cuminsa amplia e tareanan di Guarda nos Costa y laga controla tambe riba e isla, di e manera aki a cuminsa bin cu e control nan riba tera tur caminda riba e isla.
Guarda nos Costa tabata cay bao di e vreemdelingen wetgeven cu tabata cay strafrechtelijk, e acto cu e personanan cu ta keda ilegal riba e isla tabata penal, pero despues poco poco e la keda saca y haci e parti aki bestuursrechtelijk, pero e tareanan di GNC a keda mes un cos unda cu lo mester a controla costa, pero tambe riba e isla. Den cortico esaki ta e desaroyo di Guarda Nos Costa cu ta un di e departamentonan cu e no tabata facil debi cu na momento cu ta cuminsa cu algo nobo no ta facil, banda di esaki tempo tabata na GNC Sra. Trudy Hassel tabata relativamente hoben.
Sinembargo aki ta caminda e estudio ta conta y tempo cu a bay Politieacademie nan ta prepara tur hende pa dirigi departamento y cu tur e toolsnan cu a ricibi di e opleiding na Politieacademie a lanta GNC como un departamento bao di KPA.
Pa a lanta GNC no tabata facil, e tabatin su reto cu ne, pero poco poco tur hende a cuminsa compronde y e departamento a cuminsa cana. Sinembargo na 2005 a laga GNC na peticion di defunto ex minister di husticia Rudy Croes y Minister di Antias David Dick cu a haci peticion na Sra. Trudy Hassel pa yuda inmigracion na St Maarten y di e manera aki Sra. Trudy Hassel a bay St Maarten, mirando e stapnan aki como parti di desaroyo y ampliacion di su experticio.
E trabaonan na St Maarten tabata hopi dushi y e ta un pais hopi bunita y e hendenan ta hopi nice. Na St Maarten e trabaonan a wordo haci y a traha cu hopi smaak, pero despues di 8 luna a bin bek Aruba pa asina sigui cu e trabaonan na cuerpo policial. Den KPA sra Trudy Hassell tabatin diferente funcion y e tempo eynan no tabatin divisionnan di departamentonan manera cu tin na e momentonan aki.
E tempo ey tabatin algemeen en bezonderediensten y aki a fungi como comisario di recherche, algemeenbezonderediensten y den tur e partinan aki a amplia conocemento. Tambe a traha na aeropuerto como hefe di vreemdelingepolitie unda cu a haya hopi conocemento tambe riba personanan stranhero ilegalnan cu awe ta yama nan personanan indocumenta cu practicamente tin e mes un significativo.
Tu e experiencianan aki a haci cu na aña 2017 un otro minister a haci e peticion un biaha mas na Sra. Trudy Hassel si ta interesa pa bay bek Guarda nos Costa paso e tin algun tempo sin hefe, asina sra Trudy Hassell a bolbe bek Guarda nos Costa y a haya un situacion cu a duel su persona hopi y asina a dicidi pa tog acepta e reto un rato atrobe y a keda na GNC di 2018 pa 2020.
Sinembargo Sra, Trudy Hassel tambe tin un famia y na aña 2000 casa di sra. Trudy a haya accidente y a fayece y esey a haci cu a keda como mama y tata. Debi na e circunstancianan a bay atende cu otro reto unda cu e tempo ey e problematica di gang tabata subiendo na Aruba y a dicidi di no sinta na banda, pero haci algo.
Na final Lets Talk a lanta y esey tambe a bira un pasion nobo pa Sra Trudy Hassel. Na mes momento a bay Merca y asina specialisa den problemanan di gang y despues a bolbe Aruba bek y asina a sigui riba e tereno di problema di gang tambe na Aruba.
E pasion di Sra Trudy Hassel ta KPA, pero a siña hopi di tur e otro departamentonan. Aunke cu no tabata hopi popular ta pasobra mi ta un fixer, mi no ta un persona cu ta wak algo cu ta bay completamente robes y sinta na banda bebe koffie y bira mi cara otro banda, pero semper pone man na obra y drecha cos. Sinembargo no ta tur ora tur hende kier pa cosnan wordo drecha.
