Djabièrnè 5 di sèptèmber último Movementu Kousa Promé a entregá un
karta dirigí na presidente di parlamentu señora Francisca i na promé
minister señor G. Pisas. E karta ta kontené un medida pa kombertí e
funkshon di parlamentario den unu ku no ta pèrmití mas trabou pagá
aserka.
Den e análisis ku Movementu Kousa Promé a hasi di e krísis
gubernamental ku a surgi, a skrutiná funkshonamentu di parlamentu. Un
parlamentario tin e funkshon importantísimo di kontrolá maneho di
gobièrnu na nòmber di pueblo ku a eligié. E trabou di un parlamentario ta
rekerí gran seriedat i profundidat. E peso di e trabou den parlamento ta
eksiguí un servisio tempu kompletu. Ademas e parlamentario ta risibí un
salario haltu ku ta korespondé ku un trabou di hopi responsabilidat tempu
kompletu i ku no ta kompatibel ku mas trabou pagá.
Movementu Kousa Promé ta di opinon ku ta imperativo pa subi e nivel di
funkshonamentu di parlamentu urgentemente. Ta más ku bisto ku pueblo ta
eksiguiendo kambio drástiko pa mihó.
Den e karta na gobièrnu i parlamentu Movementu Kousa Promé ta proponé
pa pasa un lei ku parlamentarionan elihí ku drenta Staten na mei 2025 no
por tin mas trabou pagá aserka.
Mester kombertí e trabou di parlamentario den un funkshon tempu
kompletu ku no ta pèrmití niun funkshon sekundario.
Kousa Promé ta konvensí ku e medida aki lo yuda subi nivel di parlamento
di Kòrsou.
Drs. Ellen Maduro-Jeandor
Presidente di Movementu Kousa Promé