Awe riba Dia Internashonal pa kontra korupshon, Giselle Mc William lider di MAN-
PIN ta boga pa kombatí korupshon gubermental. Segun Mc William, korupshon ta un
fenómeno sosial, polítiko i ekonómiko komplehó ku ta afektá tur pais i paisnan chiki
manera nos aun mas. Korupshon ta miná institushonnan demokrátiko, ta retardá tur
desaroyo i ta kontribuí na instabilidat den gobernashon.
Pesei Giselle Mc William lider di MAN-PIN ta diopinion pa mas lihé posibel ratifiká e
tratado di Nashon Uni pa kombatí korupshon. Mientras ta importante pa nos sigui e
un di e rekomendashonnan di Transparency International 2013 pa insituí por
ehèmpel Kámara di Intigridat independente pa salbaguardia integridat di
gobernashon, transparensia i kombatí korupshon. Di e manera aki sòru ku e sèn di
pueblo wordu usá 100 % pa desaroyo di nos pueblo, e hende. Un Kámara di
Integridat independiente lo ta un instituto independiente pa wak, investigá, i hasi
rekomendashon riba komportashon, desishonnan i proseduranan manera por
ehèmpel di destahónan públiko, prosesonan di solisitut èts.
Pa un pais ku tin un poblashon di 150 mil hende,transparensia no ta solamente un
pilar di gobernashon demokrátiko, pero tambe un nesesidat pa prevení korupshon
ku por debilitá un país sosial – ekonómiko i kibra konfiansa den nos institushonnan.
Establesimentu di un Kámara di Integridat independiente, segun Líder polítiko di
MAN-PIN, ta den e lista di kompromisonan ku Gobièrnu di Kòrsou mester realisá pa
por aportá na bon gobernashon, garantisá integridat den sektor públiko, i krea un
país sosial-ekonomiko mas fuerte. Korupshon ta ataká e fundamentu di
institushonnan demokrátiko, mina proseso elektoral i lei kreá burokrasia innesesario.
Ku lo yuda aportá na prosesonan menos transparante pa por soborná of keda
soborná. Desaroyo sosial – ekonómiko di nos pais ta wordo limitá dor di korupshon ,
pasombra invershon ku mester bai na desaroyo sosial , enseñasa , salubridat ta
wòrdu usa pa metanan koruptivo. Pesei pa lider polítiko Giselle Mc William integridat
i transparensia den gobernashon ta no negoshabel i mester ta un prioridat.
Korupshon ta stroba Desaroyo di abo pueblo Mester bringa korupshon na kòrsou
