Korsou : Ta basta ku kibra naturalesa di nos playanan

Desaroyo mester ta den balansa i papia ku pueblo prome!
Ayera partido  MAN PIN a bishitá Playa Lagun i Playa Jeremi pa nos tuma nota di e
desaroyo ku ta bai bini. Nos a keda di shòk di mira kon gobièrnu a kuminsá traha un
bar mei mei di Playa di Lagun dor di basha flur di betòn. Habitantenan i piskadonan
ta rabia pa e forma kon gobièrnu ta start un proyekto asina sin a inkluí habitante i
pueblo di Kòrsou.
Na Playa Jeremi tambe nos topa ku personanan ku ta bishita e playa aki ta hopi
rabia i preokupá ku e manera ku a kap palunan grandi basha abou i tambe ke krea
un konstrukshon di bar, sin tene kuenta ku e parti naturalesa i forma uniko di e playa.
Esaki tambe a bai sin deliberashon ku habitantenan di Banda Bou i bishitantenan di
playa.
Den kombersashon ku habitantenan di e area i bishitante, nan no ta kontra di
nungun desaroyo na e palayanan. Pero un desaroyo kaminda ta hasi kambio na
bista i struktura di e playa ta nesesario envolvi habinantenan i pueblo pa esaki ta tin
sosten. Ku e presentashon hasí ta kita sigur na Playa Lagun e oportunidat pa
gruponan sosial di 60+, “padvinderij”, piskadonan i famia pa hasi uso di e playa pa
nan aktividatnan manera a kustumbra kun’e. E preokupashon di desaroyo presentá
ta nifiká ku e kultura di aktivadatnan sosial di pueblo na playa Lagun ta keda para.
Pa e motibunan aki nos a manda un karta pa Minister di VVRP i Minister di GMN
konforme reglamento di orden:
1. Kiko ta e maneho di gobièrnu pa desaroyo i mantenshon di nos playanan
públiko?
2. Dikón no ta tene enkuentronan ku pueblo di un forma transparente, pa pueblo
por skohé ki sorto di desaroyo nos ke pa nos playanan?
3. Kon e destaho pa diseñeo na playanan di Lagun, Jeremi i tambe Caracasbaai
a tuma luga?
4. Kon e destaho pa e trabounan na Lagun i Jeremi a tuma luga?
5. Nos por haña kopia di e pèrmitnan di konstrukshon?
6. Gobièrnu ta dispuesto pa para e konstrukshon mei mei di playa di Lagun?
7. Gobièrnu ta dispuesto pa stòp di basha proyektonan di betòn na nos
playanan?
8. ⁠Ta asina’ki ta privatisá nos playanan, ta ken ta bai manehá e proyektonan
aki?