Kòrsou ta pará dilanti di un desishon krusial. E desishon si Kòrsou ta sigui komo
país ku su gobièrnu i su parlamento òf si Korsou ta skohe pa pasa gobernashon
kompletu den man di COHO i gobièrmu di Hulanda. Kiko abo ta skohe ? Bende
Kòrsou ku COHO òf skohe pa resistensia i rèspèt propio?
Dia 2 di novèmber 2020 Gobièrnu di Rhuggenaath ku Martina i den sèptèmber
2021 gobièrnu di Pisas ku Larmonie-Cicilia a firma un akuerdo polítiko ku Rutte pa
fasilitá entrada di COHO. Pero ta ku aprobashon di COHO den Staten di Kòrsou so
COHO berdadero ta bira un realidat na Kòrsou. Staten ta e úniko instansia ku por
salba Kòrsou di COHO. Staten ta e úniko instansia ku por laga gobiernu i
parlamentu keda ku outoridat komo gobernante.
Si COHO drenta na vigor tur su akshonnan lo remplasá gobernashon i órganonan
di Kòrsou. Tur proyekto, programa, invershon, medida implementá pa COHO riba
tereno di ekonomia , kuido , enseñansa , maneho di finansa,
belasting, sektor finansiero i asuntu di ámtenar ta bira asuntu di
Hulanda/COHO.
Kòrsou ta pará na un krusada terminal. Hulanda ke drenta pa keda. COHO t’ei bira
nos GOBIERNU. COHO t’ei bira nos PARLAMENTO. Abo ke bende ku Hulanda? Abo
ta dispuesto na entregá bo Kòrsou na nan?
Movementu Kousa Promé ta invitá bo djaluna awor mitar di 7 na Sentro di Bario
Santa Maria pa duna bo e alerta i pa huntu pidi parlamentarionan pa aktua pa
salba Kòrsou.
Kousa Promé ta warda bo. Entrada ta grátis.
Kòrsou : Desishon krusial sea ta sigui komo país ku su gobièrnu i parlamento òf ta skohe pa pasa gobernashon kompletu pa COHO i gobièrmu di Hulanda
