E ehersisio final a yega na su fin. Ocho Militar di CURMIL i ARUMIL ku esaki a terminá ku éksito nan (Voortgezette Vak Opleiding) VVO/Formashon Avansá Profeshonal. Di esakinan tin shete Militar di CURMIL i unu di ARUMIL. E VVO ta e formashon ku Militarnan mester sigui na e Komando di Forsanan Naval, pa por bira Korporal (Onderofficier).
Durante e entrenamentu, ku a dura 24 siman, e Militarnan ta eksperiensia e transformashon di miembro di ehérsito pa un futuro aspirante Gerente. Tambe nan ta ser di tèst riba nan fortalesa físiko i mental i nan kapasidat pa planifiká i prepará akshonnan.
Ehersisio Final
Durante e ehersisio final (FINEX), durante e siman aki tur kos ta bini huntu. Pa e ocho alumnonan tabata un siman pika pa pasa dor di dje. Kabesante di Sentro di Entrenamentu CARIB, kapitan di Marinirnan Oane van der Meer, p’esei ta orguyoso:
‘’ Respet bo no ta risibí a base di bo strepinan, pero a base di ken bo ta komo hende, lider i persona kapasitá. Guiando pa medio di ehèmpel. E Militarnan aki kada un a demostrá ku nan tin e karakterístikanan korekto aki den nan.’’
E ehersisio final awe mainta a klousurá ku un marcha final ku a terminá na Kazèrne di Marina na Suffisant. Einan entre otro nan famia i amigunan tabata warda riba nan. Despues di entrada e asenso pa bira Korporal a tuma lugá Awor nan ta bai sigui ku formashon adishonal pa bira BAVPOL (Buitengewoon agent van de politie) Agente ekstraordinario di Polis.
