Siman pasa Wardakosta tabata aktivo na Bonaire en konekshon ku Bonaire Regatta 2023. Bonaire Regatta ta dura un siman largu i e aña aki a kuminsá for di 7 di òktober i a klousurá djasabra último dia 14 di òktober. A klousurá e evenementu ku un Boat Party.
E Regatta riba laman a kana bon, durante kua e parti mas grandi di e botonan presente i tambe bishitantenan a mantené nan mes na reglanan. Durante e Regatta Wardakosta, en kolaborashon ku sosionan stratégiko di e ‘Multidisciplinaire Maritieme Hub Bonaire (MMHB)’ a kontrolá un total di 57 boto. Durante e kòntròlnan aki e tim di MMHB mester a traha un prosèsferbal pa un boto i un seadoo, pa motibu ku nan no tabatin dokumentunan korekto di nan boto na òrdu i nan no a registrá debidamente pa biaha di Kòrsou bai Bonaire. Ámbos boto despues di kòntròl mester a nabegá mes ora bèk pa Kòrsou.
Mas o ménos 100 boto a partisipá na e konosido Boat Party di e Regatta e aña aki. E
evenementu aki a tuma lugá serka di Kralendijk i a konkluí sin insidentenan di mashá
importansha.
