E kantidat di kontagio a baha den mayoria grupo di edat den siman number sinku di 31 di yanüari te ku 6 di febrüari 2022 i den siman number seis di 7 di febrüari te ku 13 di febrüari 2022. Mayoria kontagio tabata den e grupo di 12-39 aña. Den e grupo di edat akí, e kantidat di kontagio tabata meskos òf mas haltu.
Den e siman di 7 te ku 13 di febrüari tabatin 164 kontagio nobo i a hasi 373 tèst. E porsentahe positivo di tèst, òf e kantidat di tèst positivo riba e kantidat total di tèst, tabata 44%. Den e siman di 31 di yanüari te ku 6 di febrüari tabatin 194 kontagio nobo, i a hasi 492 tèst. E porsentahe positivo di tèst tabata 39%. E departamento di Salubridat Públiko ta spera ku e porsentahe positivo di tèst ta bai baha e simannan ku ta bini. Esei ta nifiká e ora ei ku tin ménos kaso di corona na Boneiru.
Durante brotenan anterior di corona, hopi hende grandi a kontagiá despues ku tabatin hopi kontagio den gruponan di edat mas yòn. E departamento di Salubridat Públiko ta spera ku e patronchi akí no ta ripití i ku tur siudadano ta asumí nan responsabilidat. Bo tin keho? Keda kas i traha un sita pa tèst na Salubridat Públiko. Òf hasi un tèst propio.
Si resultado di e tèst propio ta positivo, tèst e ora ei den e kaya di tèst di Salubridat Públiko. Asina bo tin sigur si bo ta kontagiá òf nò. Bo ta bai bishitá hende grandi òf hende ku salú vulnerabel? Pa siguridat hasi un tèst propio.
