E areglo pa inisiativa sosial di e programa Pasado di Sklabitut lo bai den konsulta riba internèt. E areglo ku ta bai den konsulta riba internet awo, ta destina pa sostene inisiativa sosial na Hulanda Oropeo ku ta kontribuí na, konsientisá, rekonosé, konmemorá of e impakto di e Historia di Sklabitut Trans-Atlántiko. Kuminsando 16 di febrüari públiko por reakshoná pa un periodo di 30 dia riba e areglo via e siguiente website: https://www.internetconsultatie.nl/slavernijverleden.
A pone un suma di €100 mion disponibel pa un biaha. Lo repartí e suma aki den tres parti: €33,3 mion pa Hulanda Oropeo, €33,3 mion pa e parti Karibense di Reino i €33,3 mion pa Sürnam.
E areglo ta duna atenshon pekuliar na promové organisashon ‘grassroots’ di desendientenan i komunidatnan envolvi. Di e manera aki nan por profeshonalisá nan organisashon mas aleu i reforsá esaki pa medio di un ‘voucher’. Tambe, ta duna oportunidat na inisiativanan mas grandi, ku ta traha ku organisashon ‘grassroots’ òf den kua ta inkluí organisashon ‘grassroots’ den e proyekto, mas prioridat den otorgamentu di supsidio. Ademas, e areglo ta destiná pa inisiativa sosial ku ta enfoká riba reforsá e komunidat di desendiente di esun sklabisá i pa selebrá i engrandé su resiliensia. E areglo ta destiná tambe pa proyecto mas grandi ku tin un impakto konsiderabel riba engrandesé konosementu, konsientisashon, rekonosementu, konmemorashon i aserkamentu di e impakto di historia di sklabitut.
Seshon di kontribushon oral pa islanan den parti Karibense di Reino
Pa e parti Karibense di Reino i Sürnam a traha riba areglonan separá na midí. Pa e parti Karibense di Reino ta spera ku lo implementá e areglo den verano di 2024. Lo publiká e areglo pa Sürnam na un otro momentu mas despues. Den e lunanan benidero lo organisá diferente seshon na e islanan pa risibí input. Abitante por partisipá aktivamente na e formashon di e areglo pa inisiativa sosial den parti Karibense di Reino. E seshonnan ta esensial pa hasi nesesidat i vishon regional parti integral di e programa kompletu.
Partisipashon komo base sólido pa aserkamentu despues di diskulpa pa Historia di Sklabitut
Ku un aserkamentu unda partisipashon ta sentral, por tuma pasonan sólido den e elaborashon di e diskulpa pa Historia di Sklabitut. Den e aña tras di lomba a hiba kòmbersashonnan intensivo ku un grupo amplio di desendiente i esnan envolví. E kòmbersashonnan aki a produsíi perspektiva nobo ku lo forma e base pa e plan di maneho. E büro Truetalk bou di enkargo di ministerio di Asuntunan Interno i Relashonnan den Reino a kòmbersá ku 270 desendiente i esnan direktamente envolví. A implementá diferente método di diálogo pa esaki, entre otro kombersashon individual, reunion di mesa rondó i kombersashon den un situashon natural, riba kaya òf den tienda. Tur komunidat di desendiente ta envolví den esaki.
Den e selekshon di partner di diálogo a pone atenshon na edat, envolvimentu organisatorio, envolvimentu emoshonal, ‘background’ kultural i repartishon regional. E perspektivanan ku a sali for di e estudio ta enfatisá e konsekuensianan di e Historia di Sklabitut te dia di awe, i ku ainda ta sinti riba tereno di bibienda, edukashon, i merkado laboral. Tin nesesidat pa inisiativa sosial ku ta ofresé solushon pa e desigualdat struktural aki. Pero tambe ta mira e konmemorashon komo un bon medio pa trese mas igualdat den e komunidat aktual.
Fin di yanüari ocho minister i sekretario di estado, entre nan Alexandra van Huffelen, Hugo de Jonge, Hanke Bruins-Slot, Robbert Dijkgraaf i Franc Weerwind a bai den kòmbersashon ku alrededor di 70 desendiente na teatro Diligentia na Den Haag. Tópiko tabata e pasonan pa tuma despues di e kòma, e koncepto di areglo pa inisiativa sosial, e skema pa e Komité di Konmemorashon, Partisipantenan di e seshonnan di diálogo aki a bini di Hulanda Oropeo, e parti Karibense di Reino i Sürnam.