Departamento di Salubridat Públiko ta konsehá siudadanonan ku ke pasa e angua kontra corona i ta bai eksterior, pa pasa e angua na tempu. Eksperensia ta mustra ku biaheronan ta bai pasa e angua un dia promé ku nan biaha. Pero ta dura sigur dos siman promé ku e angua tin efekto.
Ta rekomendá e angua nobo kontra corona spesialmente pa hendenan riba 60 aña i hendenan ku un sistema inmunológiko malu. E angua ta destiná tambe pa hende muhé na estado, i hende ku un malesa di hopi tempu. Manera por ehèmpel hendenan ku problema di kurason, problema na pulmon, diabétis, sobrepeso i preshon haltu.
Siudadanonan ku ke esei, te fin di e luna akí por pasa e angua nobo kontra corona sin traha sita. Esei por ainda di djamars 28 di novèmber 2023 te ku djaweps 30 di novèmber 2023 di 09:00 – 13:00. Djamars na Sentro di bario Nort’I Saliña, djárason e ekipo ku ta pasa angua ta riba e plenchi enfrente Cocari na Rincon, i djaweps na Plasa Chicu Goeloe na Antriòl.
Hendenan ku pa un tempu largu kaba ta malu na kama, por pasa e angua na kas. Pa traha un sita, nan por yama e number grátis 0800 0800.
