Dia 17 di aprel próksimo ta start na Sentro di Bario Santa Maria un siklo di lès titulá “Historia i Kultura diKòrsou”. Akademia Popular Errol Scoop e ala di edukashon emansipatorio di Movementu Kousa Promé ta organis’é. Meta di e siklo aki ta pa fortifiká e identidat kurasoleño i pa hasi tur esnan ku partisipá mas patriótiko i mas bon yu di Kòrsou. APES ta pone pa e okashon aki énfasis spesial riba partisipashon di hóben. Dikon? Pasobra hóbennan informá ta un futuro garantisá. Futuro di Kòrsou ta den nan man. Un yamada ta bai na mayornan, lidernan di hubentut i dosentenan pa stimulá hóbennan for di 16 aña pa partisipá na e siklo di lès importante aki. Tin oportunidat pa adultonan mayó tambe inskribí i partisipá.
Durante e siklo lo bini dilanti vários tema interesante, duná pa dosentenan universitario baké riba nan tereno. Lo trata entre otro e siguiente temanan:
- Afrika komo kuna di sivilisashon i di humanidat.
- Kontinente Afrika promé ku sklabitut transatlántiko.
- Imperio i Reinadonan afrikano.
- Komèrsio transatlántiko.
- Kolonialismo i agreshon europeo na Afrika Asia i Amérika
- Historia kolonial di Kòrsou.
- Sklabitut na Kòrsou.
- E rebelion liderá pa Tula.
- Represhon i resistensia di e yu di Kòrsou.
- Presensia afrikano den kultura di Kòrsou.
- Konsekuensia di sklabitut i kolonialismo riba mente i memoria di e yu di Kòrsou.
Pa inskribí por yama òf what’s app na e numbernan 5126216 i 5271577.
Inskripshon ta kosta FL. 25,-. Tur lès di e siklo ta grátis. Lèsnan ta tuma lugá tur djaluna di mitar di shete pa nueb’or na Sentro di Bario Santa Maria. E último lès ta dia 23 di yüni 2023. Tin posibilidat ku por sigui e lèsnan via online.
UN PUEBLO INFORMA TA UN PUEBLO KU DEFENSA
Akademia Popular Errol Scoop
