E prestigioso kongreso di International Smal Islands Studies Association (ISISA) lo tuma lugá na Kòrsou na aña 2027, danki na e eksitoso intento di investigadónan lokal Renske Pin, Steffen van Heijningeni Guido Rojer.
Kiko ta ISISA?
ISISA ta un ret mundial ku ta promové investigashon I interkambio di konosementu tokante islanan chikí. E ta ofresé un plataforma pa sientífikonan, kreadónan di maneho I otro interesadonan pa diskutí riba reto-I oportunidatnan úniko di islanan. ISISA ta un organisashon boluntario, non-profit I independiente. Nan ophetivo ta pa analisá islanan riba nan propio kondishonnan i pa enkurashá diskushonnan sientífiko liber riba asuntunan manera insularidat, independensia, maneho di fuentei medio-ambiente.
A lanta ISISA ofisialmente na 1992 durante e konferensia “Islands of the World III” na Nassau, Bahamas i e kongreso ISISA ta trese ekspertonan huntu pa haña solushonnan duradero pa problemanan manera kambio di klima, desaroyo ekonómiko I konservashon kultural. E evento ta stimulá kolaborashon I inovashon i ta yuda kreadó nan di maneho tuma desishonnan informá.
Aorganisá e dishonnan anterior na lokashonnan manera Prince Edward Island (Canada), Lesbos (Gresia) i Hainan (China). Kada kongreso tin un tema spesífiko ku ta konektá ku retonan aktual di e lokashonan fitrion. E edishon binidero lo tuma lugá na Lombok, Indonesia, di 25 te 29 di yüni 2024, ku e tema “Islands and Resilience: Global Opportunities”.
Kòrsouna 2027
E kongreso na 2027 lo ofresé Kòrsou un chèns úniko pa presentá su kultura riku, presioso naturalesa I proyektonan inovativo na un públiko internashonal. Esaki lo fortifiká Kòrsou su ambishonnan internashonal komo sentro aspirante di konosementu I inovashon.
Universidat di Kòrsou (UoC), Universidat di Aruba (UA), University of St. Martin (USM), NAAM i CARMABI, tur komo partnernan, ta karga e inisiativa ampliamente. Banda di esei, e ta risibí sosten finansiero di e komishon di programa Investigashon Karibense di Organisashon Hulandes pa Investigashon Sientífiko (NWO).
Ta ferwagt ku e kongreso lo atraé mas o ménos 200 bishitante, bou di kua pues hopi investigadó insular for di tur skina di mundu. Lo e ofresé un chèns úniko I balioso pa forma retnan, kolaborashon nan I interkambio di ideanan inovativo.
Yamada na otro institutonan
Tin tur espasio pa otro institutonan konektá ku e inisiativa akí. Nos ta kordialmente invitá organisashonnan interesá pa partisipá I kontribuí na e evento importante akí, viawww.tinyurl.com/ISISA2027.
Ku e kongreso akí, Kòrsou lo profilá komo pionero den investigashon sientífiko I kolaborashon internashonal riba tereno di estudionan insular.