Resientemente, na nòmber di Kolegio Ehekutivo di Boneiru, gezaghèber Edison Rijna a duna rekonosementu na Rignaldo Oswaldo Marin, konosí tambe komo ‘Rishi’, pa su hopi aña di dedikashon komo asistente tékniko di dòkter di wowo. El a kuminsá su karera na Entidat Públiko Boneiru, kaminda finalmente e tabata durante 30 aña den servisio. Pa hopi tempu largu Rishi tabata e úniko spesialista riba e tereno akí na nos isla. For di 10-10-’10 el a kuminsá traha den e mesun funshon na Fundashon Mariadal. Despues di en total 44 aña di servisio, for di e luna akí e ta gosa di un penshun bon meresí. Kolegio Ehekutivo ta gradisí Rishi pa su servisio na komunidat di Boneiru!
