For di luna di mart Kolegio Ehekutivo a kuminsá ku e proseso pa tur luna aktualisá preis di gasolin na Boneiru, konforme e preisnan di kompra di tur luna. Kada biaha e adaptashonnan di tur luna ta tuma lugá riba e di dos djabièrnè di luna.
Entrante 13 di mei 2022 ta adaptá e preisnan di benta pa kombustibel atrobe. Den e adaptashon di preis akí a apliká e instrukshonnan di e Dekreto temporal di 25 di mart 2022 relashoná ku redukshon di akseins Hulanda Karibense 2022, nr. 2022-104414 (Staatscourant nr. 8683 di 28 di mart 2022). Te 1 di aprel 2022 e tarifa di akseins pa gasolin (MOGAS95) tabata USD 31,86 sèn pa hèktoliter. Segun e dekreto temporal menshoná akí riba e tarifa nobo di akseins pa gasolin (MOGAS95) ta USD 15,86 sèn pa hèktoliter pa e periodo di 1 di aprel 2022 te ku 31 di desèmber 2022.
A base di loke tin menshoná akí riba Kolegio Ehekutivo ta anunsiá e siguiente preisnan di benta pa kombustibel:
A indiká e adaptashonnan di preis na Boneiru, Aruba i Kòrsou den e grafiknan akí bou. Den e grafiknan por mira ku e preis di benta aktual pa gasolin i disel na Boneiru ta kana pareu ku e preisnan di benta na Kòrsou. Medidanan di parti di gobièrnu, entre otro redukshon di akseins, ta inkluí den e preisnan di benta pa gasolin na Boneiru i Kòrsou. Sin e redukshon di akseins preis di gasolin lo tabata mas haltu.
Toelichting componenten tarieven
