Presidente di Kiwanis Club of Palm Beach Onasito Thiel ta yama bon bini na comitee di Ride 4 Kids cu ta un proyecto cu a cuminsa den e temporada di COVID. Ta contento cu durante aña e fundraising evento a keda crece y tur aña e ta un exito.
Rothmar Coenraad ta chair Ride4Kids committee y orguyosamente ta anuncia cu esaki ta e di 4 edicion di Ride 4 Kids, e ta un proyecto cu a cuminsa den e temporada di pandemia unda cu no tabatin ningun recurso mas pa por sigui haci e fundraising pa yuda comunidad manera Kiwanis ta bin ta haci pa e ultimo 40 añanan di Kiwanis Club of Palm Beach.
A cuminsa cu 3 coredo cu a cuminsa core rond di Aruba recaudando fondo y esaki exitosamente a crece y por bisa cu e aña aki lo ta bay tin un Ride4Kids e aña aki cu mas di 100 ciclista cu ta bay ta riba caminda pa recauda fondo. E meta di e aña aki ta bay ta mane semper unda ta custumbra caba pa recauda fondo pa yuda muchanan cu tin menos recurso, famianan cu tin menos recurso y cu no por paga nan schoolgeld y Kiwanis Club of Palm Beach lo bay yuda. Dos aña pasa a logra un record di mas cu 100 mucha, aña pasa a logra mas cu 150 mucha y e aña aki e meta ta pa bay cu mas cu 200 mucha.
Segun Rothmar Coenraad di chair Ride4Kids committee e meta ta pa yuda mas hopi mucha cu ta posibel y naturalmente Kiwanis Club of Palm Beach no por haci esaki su so. Na mes momento kier yama danki na tur e coredonan cu ya caba a inscribi y lo bay core den transcurso di e ruta, pero tambe sigur na e main sponsor di e evento di Ride4Kids cu ta Guardian Group unda cu 3 aña pasa a trece e idea riba mesa pa nan y na momento cu e la keda evalua anja pasa tabata e prome edicion cu a cuminsa hunto cu Kiwanis Club of Palm Beach y exitosamente a logra haci un di dos edicion cu ta dia 24 di juli venidero. Banda di e main sponsor tambe tin otro sponsornan cu no por keda afo Notario Jhonson, HBN Law ,waterspots sponsornan cu ta sponsor diferente stop nan, specialist, Bright Bakery, specialite store Aruba y ROI marketing.
Kiwanis Club of Palm Beach ta contento y ta agradecido cu ta haya e support di e mercado comercial cu ta kere den e proyecto di Ride4Kids, esaki pa Kiwanis Club of Palm Beach ta un boost pa sigui pusha logra e proyecto.
Ride4Kids lo ta dia 18 di augustus lo cuminsa den oranan trempan , pa 1 or di madruga ya caba e prome coredonan ta Sali cu lo cuminsa core 200km y asina diferente stop y start ta bay tin durante di transcurso. Te ainda tin posibilidad pa por inscribi como coredo, pa haci esaki ta facilo mester bay riba facebook Kiwanis Club of Palm Beach ta haya un link por klick riba dje y por registra, paga esaki y ta haya un pak special pa tur e coredonan. Sinembargo ta haya personanan cu ta bisa cu nan no ta asina fit , pero si nan kier yuda tambe ta bon bini y por participa como sponsor y por sponsero loke cu bo ta desea.
