ORANJESTAD,Aruba
Hopi ta e politiconan elite cu tin miedo pa un gemeente, debi cu asina nan ta perde tur poder y como cambio di esaki lo bin un un control mucho mas severo ariba nos maneho y finanzas publico.
Si bo pinta e mapa di Aruba, anto bo ta realisa cuanto poder Hulanda tin caba ariba nos pais. Nos autonomia ta solamente e pida tera cu yama Aruba, asina cu bo yega na e parti di lama cu ta marca nos frontera ya esaki ta pertenece na reino Hulandes. Nan tin den nan man tur loke ta trata derechonan Internacional, nos costanan y e parti diplomatico ta cai bow di nan maneho tambe.
Ban compara kiko a sosode durante 34 aña di nos Status Aparte, Aruba su Autonomia:
Corupcion y mas corupcion
Politiconan cu pensionnan miyonario, 20 te 60, 70 mil pa luna
Politiconan cobrando overbruggingstoelage di miyones y miyones, no ta importa si nos situacion financiero no ta bon, nan si ta cobra nan overbruggingstoelage di miyones
Fabornan ariba tur tereno na amigo y famia
Politiconan bow di investigacion o ya a ser sentencia
Hobennan bon studia pa motibo cu Gobierno ta pensa cu nan tin otro color politico ta ser manda cas, pero cobrando nan salarionan tur luna, na nan lugar ta bin un cu si e gobierno tin confianza den dje, debi cu e ta di nan color. Frutracion di nos intelectualnan
Un stempelparlement cu ta funciona segun e ordo cu nan ta ricibi di ariba
Un Paralamento cu ta funciona bow nivel cu insultonan personal, saca sushedad, insinuacionnan falso, nada di un bon educacion pa nos hobennan. UN NIVEL ASINA ABOW, PA UN PAIS CU HENDENAN BON PREPARA PROFESIONALMENTE
Un pobreza enorme, hopi prome cu e crisis a cuminsa, muchanan cu ta bai skol sin come, sin baña etc., mientras cu politiconan elite si ta goza di previligio di por biba manera un Sheijk
Aruba ta pober, hopi pober cu posibilidad grandi cu nos moneda pa prome biaha den su historia por devalua, algo tristo den nos historia
For di 6 aña pasa Aruba a perde su Status Aparte, na momento cu nos a entrega nos finanzas publico den man di Hulanda.
Un debe cu e PPP proyectonan di ariba 8 biyon florin, ningun Gobierno por resolve e problema financiero grave aki, ningun. Ainda e crisis no a pasa.
Un BIJZONDERE GEMEENTE, ta nos salbacion, nos ta keda pertenece na Hulanda, manera ta e caso for di 1634, cu nos pasaporte Hulandes Europeo y cu bon negosacion Hulanda por yuda nos cubri parti di e debe di 8 biyon. Tur esnan cu a lucha pa Aruba tabata liber, a lucha pa nos sali for di e constelacion Antiyano y no pa ta liber di Hulanda.
Independencia no, ningun Arubiano kier perde nan pasaporte Hulandes.
Hobennan stop di para un banda y defende boso futuro y futuro di boso yiunan, ban conhuntamente lanta e nivel di politica den nos pais. Si bo ta interesa pa join manda bo nomber y number di telefon na:atanleesr@gmail.com
Pueblo sigui firma, e ta secreto.
Conhunto nos lo traha pa forma un Aruba Nobo.
Movimiento Futuro pa un Aruba nobo.
