Na momento cu un taxista tin un permiso y ta core Uber esey no kiermen cu e no por core su taxi regular , den e caso aki e taxista tin tur dos opcion e por dicidi si e kier core Uber of taxista ta su permiso di dje e ta. Te na e momentonan aki no tin un contesta dicon taxistanan ta haya cu Uber ta malo siendo cu e ta bon pa e taxistanan. Kico ta e motibo y un misterio dicon Uber pa nan parecer no ta bon y nan no ta desea pa Uber bin. Na mes momento ora cu introduci Uber gobierno tambe ta contento tin control y placa ta drenta den caha di gobierno.
Actualmente Presidente di Comerciante Uni Aruba (CUA) Frans Ponson no ta compronde dicon ta asina contra pa bin cu algo moderno pa e pueblo unda cu nos tur por haci uzo di dje.
Na momento cu a tuma nota di e protesta cu tabatin di e taxistanan cu tur nan derecho paso Aruba ta un pais democratico, pero na momento cu a tuma nota cu den e protesta ta ser bisa for di e taxistanan mes unda cu publicamente ta sali y bisa pueblo cu nan tin 15-20 y 25 aña di retraso di belasting a haci un poco dolor pa Comerciante Uni.
Ta papia aki di hopi emanzaak y na e expresion di e taxistanan tabata cu ta gobierno su fout y aki ta caminda cu Comerciante Uni a haci nan huiswerk unda cu a yama Departamento di Impuesto DIMP dibiaha unda cu a reuni cu DIMP pa mira si esaki ta e caso.
Sinembargo DIMP a confirma comerciante UNI Aruba CUA cu nunca nan no a tende riba e topico cu e taxistanan ta referi na dje, cu ta problema di gobierno pa por paga inkomstenbelasting . Paga belasting ta un deber pa entrega e documento y paga inkomstenbelasting. DIMP den e caso aki for di banda di gobierno no tin ningun problema y aki ta caminda cu CUA ta lamenta cu publicamente den derecho di protesta ta indica cu tin retraso di varios aña di inkomstenbelasting door cu ta un problema di gobierno. E expresionnan aki ta di lamenta debi cu e ta trece problema den sector priva debi cu tur trahado na Aruba mester paga.
Mirando henter e proceso aki Presidente di Comerciante Uni Aruba (CUA) Frans Ponson ta desea di tin un splicacion y confirmacion kico ta e motibo cu no ta desea pa un Uber na Aruba. E berdad ta cu ningun hende no ta gusta cambio, pero hopi biaha cambionan tin su beneficionan cu ne pero e no ta bin dibiaha. Sinembargo si Aruba no cambia cu e modernisacion Aruba ta bay keda atras como un pueblo y un Pais .
Presidente di Comerciante Uni Aruba (CUA) Frans Ponson ta kere cu e beneficionan pa e taxinan ta grandi unda cu na final di dia ta bay gana mas placa paso nan ta bay tin hende constantemente den nan auto, nan no mester warda hopi, pueblo ta bay beneficia grandemente, esunnan cu ta bebe por pidi un Uber pa hiba nan cas, por kies si ta core Uber y si ta core taxi , bo contribucion na belasting ta mas beneficioso.
Na mes momento Presidente di Comerciante Uni Aruba (CUA) Frans Ponson ta kere hasta pa minister Ursell Arends e Uber ta beneficioso unda cu si e minister ta bebe y pa e no keda filma cu ta core auto burachi e por yama un Uber pa buske y e ta evita cu media ta filme y no ta trece trafico na peliger.