Famia cu fe a logra haya fondonan atrabes di un fundacion cu personanan cu ta kere den e famia a sa di yuda, ta trata aki ayudonan local y internacional a keda duna y a logra nan meta pa logra haci autopsia riba curpa di nan famia stima. Ciudadanonan a confirma tanto cu Hospital como tambe cu famianan di Elida Arteaga, cu autopsia a wordo haci riba su curpa y awor ta den espera di resultado.
Na prome instante lo tabatin un confusion, pero despues Hospital a yega na un solucion.
Elida Arteaga ta un hoben di 26 aña cu a wordo haya morto na un cas na Savaneta. Segun dokter y polis cu ta un suicidio. Segun fotonan tuma dor di amigonan na e luga, e ta parce poco imposibel ademas e tin un huña ranca y tambe diferente golpinan riba su curpa cu no ta mustra normal.
Ningun hende por a splica dicon e huña ta ranca y tampoco e tipo di slanan cu e tin na su curpa.
Despues di hopi lucha y esfuerso, a haci un collect, di cual e famia a haya e fondo pa por haci autopsia. Autopsia lo mester determina con el’a fayece. Si di berdad ta suicidio, e famia lo por haya aceptacion. Si autopsia indica cu no ta suicidio, e ora ey e caso ta drenta un otro capitulo.
Informacionnan no oficial cu EA News a haya di diferente persona cu a yama na nos mesa di redaccion ta cu tin basta preocupacion rond di e caso di e hoben Elida Arteaga,por a compronde cu tin mas persona cu ta biba den e cas. Na momento cu e propietario di e cas cu tabata na Boneiro a yega Aruba despues di un siman cu e situacion a pasa no ta mustra bon.
Tambe por a compronde cu e propetaria di e cas a pone ordo pa kita e telefon, principalmente e chip debi cu e ta di e propietario di e cas. Esaki tambe segun personanan presente na e sitio a mustra hopi dudoso mirando cu si e chip ta di bo mes, e no tabata wordo uza door di bo persona pero di e persona cu a fayece y autoridadnan ta esun cu lo mester tin e telefon aki den nan man pa por logra saca afo kico a conduci probablemente cu e hoben aki por a haci e acto aki of si e no a haci e acto aki.
Situacionnan dudoso cu a sosode na e sitio y slanan na caminda straño na e curpa cu ta lantando hopi sospecho, tambe e potret cu ta ilustra un escenario no convincente. Sinembargo husticia lo prevalece y e autopsia lo determina con e situacion di e caso aki lo sigui. Kico ta e motibo cu autoridadnan local no a mira e motibo pa no haci autopsia ta algo sigur cu mester tin un wowo riba dje si acaso resulta cu e no ta un suicidio. Forsa na e famia
