Dialuna a habri cu un inval na DIMAS y Bestuurskantoor, pa basta tempo caba ta indica cu den DIMAS y for di ministerio bou di cual DIMAS ta cay, tin diferente iregularidad ta pasa. Si mester compara ta trata aki mesun sistema di DIP similar na caso Aveztruz, kukwisa.
Bendemento di permiso, BENDE nos PATRIA!
Awe tin inval den DIMAS y e investigacion ta tumando luga. Nos mesa di redaccion por a compronde cu tin tres persona cu a keda deteni dos di DIMAS y uno di ministerio y el a bay LR pa investigacion pero tambe a tuma hopi informacion for di computer di DIMAS y di ministerio di e mandatario concerni. Den e caso aki RST ta haciendo su investigacion pa por presenta esaki na Ministerio publico.
Lamentabel ta cu no ta for di awo ya cu semper a trata di bende nos pais cu stranhero den tur gobierno . Un realidad cu nos tur ta tapa wowo pe unda cu nos yiunan di tera ta bandona Aruba debi na e trato cu ta ricibi na Aruba no via di e gobernantenan so pero tambe comerciantenan. Di otro banda stranheronan ta mira beneficio so na Aruba debi cu na nan Pais no tin nada y nos ta sigui habri porta mane nada no a pasa pa grupo di stranhero.
Poco-poco ta crece pa bira mas hopi cu nos Arubianonan riba nos propio PAIS cu ta core risiconan grandi cu e situacion por bolter y pa nan por yega un momento ta saca nan huña y mañan nos kier yora.
Pero kende ta hiba nos na e desaster aki ta nos mesun Rubianonan, pa un poco placa of pa paga salarionan menos,pero den termino largo nos ta perhudicando nos dushi Aruba door di yena e pais aki cu stranhero, kibra nos yiunan di tera y mañan nos kier yora malay.
Pa e motibonan aki mes hopi di nos Arubianonan ta bandona Aruba mirando cu Arubianonan na poder y of hefenan pa un poco palabra dushi of un poco sexy kier stranhero na trabao y asina den termino largo nos mes ta kibra nos pais.
Dia nos compronde cu NINGUN IMIGRANTE cu bin biba na Aruba NO lo tuma Aruba como nan cas , pero nan cas temporal pa nan necesidad y beneficio. SEMPER nan lo bolbe nan RAIZ e pregunta ta keda nos ta na tempo pa salba nos Aruba ?. Nos Arubianonan cu a bay afo cu kier bin bek nos PAIS ta bin haya un situacion TRISTO.
Tur e actonan aki ta consecuencia di nos mes cu ta permiti pa tur inmigrante chupa y caba cu nos PAIS sin cu e Arubianonan di afo por yega bek y biba riba nan PAIS bek.
Un desaroyo cu EAnews ta mira di basta tempo caba pero mane tin tres macaco un cu no kier mira, uno cu no kier tende y uno cu no kier vocifera pa e pida baranca aki. Un realidad cu nos NO kier papia di dje paso kier uza e pretexto di derecho humano. Pero e derecho di un Arubiano mester bay riba tur cos. Nacionnan Uni , UNICEF etc, etc., ct ect tin mundo kibra y destrosa pero pa tempo cu kier mira esaki ya caba mundo ta riba su cabes y den e caso aki Aruba tambe paso a firma tratadonan pa por ricibi fondo pa yuda fundacionnan cu a largo plazo mes lo destrui e PAIS.
Tambe si mester tuma nota di e movecionnan internacional, emigrantenan cu na nan PAIS nan gobierno no ta percura pa nan, actualmente ta kibrando e Paisnan mas stabiel cu si ta percura pa su pueblo y nan ta bin chupa y hiba pa nan PAIS y den a largo plaso caba cu e PAIS cu tabata por y enrikece nan PAIS y despues lo bandona y ainda aki na Aruba nos wowo no kier habri.
Hulanda cu problema grandisimo di inmigrante y ilegalidad, Merca cu problema grandisimo cu inmigrante y ilegalidad, St Domingo cu problema grandisimo cu inmigrante y ilegalidad, Aruba Boneiro y Corsou no ta mucho leu. Pero ainda nos no ta habri nos wowo. Elecionnan na Hulanda y St Domingo a papia cla y raspa, pero aindano kier habri nos wowo.
Nos ta perdiendo Aruba paso pa paso , Aruba no ta Aruba mas. Placa a kibra humildad, respet pa otro, union, cultura, amor,norma y balor. No ta na Aruba so mundo a keda daña door di decisionnan di nacionnan uni. Esaki ta pone cu e presion haltisimo pa maneha mundo mes lo crea e guera mundial entre Pais nan.
No ta Aruba so pero mundo a wordo daña door di decisionnan di Nacionnan Uni
Asina e patronchi lo bolter y gobiernonan di poder tambe lo cambia bira net lo contrario.
Ta spera cu e investigacion aki wordo investiga y husticia prevalece y sigur tin hopi trabou pa haci pa nos Arubianonan local cu ainda a dicidi pa keda y hiba e pida Baranca aki padilanti.
