Mehoracion i mantencion di Caya Aruaco, un otro proyecto di den cuadro di mantencion i drechamento di caya, a ser realisa dentro di un periodo di tempo rapido. Riba 11 di september 2023, e contratista encarga cu e tarea aki, a cuminsa cu e trabounan di ponemento di un capa di asfalt y consecuentemente a termina cu e trabounan aki e siguiente dia. Asina diputado Hennyson Thielman ta participa.
E trabounan a cana debidamente conforme planificacion i satisfaccion. Ta trata aki di e prome fase di e proyecto pa drecha i mantene e caya aki cu ta conecta bario di Hato cu Nort’i Saliña.
Alivio
Na comienso di luna di yüni ultimo, diputado encarga ku Planificacion i Desaroyo, sr. Hennyson Thielman, hunto cu su colega diputado Pablo ‘James’ Kroon, a anuncia inicio di e prome fase, cual ta consisti di trabounan pa drecha e caminda aki, cu ta conduci entre otro pa e establecimento di Curoil. Entidad Publico di Boneiro, den persona di e mandatario a enfatisa e importancia di e caya aki, cual no ta pa solamente e pueblo (konsumidó) i empresanan cu ta haci uzo di e caretera aki pa yega na e establecimento di Curoil, pero tambe pa empleadonan di e compania di combustibel, ku tur dia ta haci uzo di e caya aki, cu tabata den un estado deplorabel, pa yega nan boca di trabou. Particularmente den temporada di awasero e caminda aki ta bira intachabel. Cu orguyo diputado Thielman ta anuncia e finalisacion di e prome fase, cu sigur lo trece un alivio.
Fase 2
Ta papia di e prome fase, ya cu e intencion ta pa den e segundo fase sigui drecha e loke cu a keda di Kaya Aruaco pa asina por garantisa e conexion cu Nort’i Saliña den su totalidad. Pronto lo duna mas informacion tocante di e trabounan relaciona cu e fase aki, diputado Thielman ta duna di conoce.
