Riba djamars 23 di yüli, alrededor di 1.15 or di mèrdia a detené un di 4 sospechoso relashoná ku e
kaso di tiramentu ku arma di kandela. Ta trata di un mucha hòmber di inisial D.K.F.O di 16 aña di
edat. Den oranan di anochi riba djárason 24 di yüli, a laga 2 di e 4 sospechosonan den a kaso aki den
libertat.
E otro sospechosonan ta detené pa mas investigashon.
Te ku awor, investigashon ta mustra ku e insidente ku tiramentu no tabata un “drive by shooting” Segun KPCN den e comunicado actual.
Pero sinembergo den prome comunicado ta indica
“Ta trata aki di un vehikulo a kore pasa i a los bala for di un arma di kandela den direkshon di un grupo di persona”
y awe ta informa cu no ta traha di un “drive by shooting” dos informacion hopi contradictorio di KPCN riba investigacion cu sigur no ta mustra bon.
Sinembargo segun KPCN manera a notifiká polis na promé instante. A resultá ku e hóbennan tabata den poseshon di un arma di kandela i aksidentalmente bala a sali i heridá un di nan.
E hóben di 17 aña di edat ku a resultá
heridá pa bala for di e arma di kandela te ainda ta den eksterior pa tratamentu médiko.
Investigashon den e kaso ta kontinuá.
Polis kier hala atenshon urgente di tur hende riba e peliger serio di ta den poseshon ilegal di arma di
kandela. Karga òf ta den poseshon un arma di kandela ilegal no solamente ta un menasa pa bo bida,
pero ta tambe un delito penal serio ku por resultá den kastigunan haltu.
Arma di kandela den man di personanan no outorisá ta oumentá e riesgo di aksidente, manera den e kaso aki, i insidentenan violento. Esaki ta trese siguridat di tur habitante na peliger.
P’esei polis ta hasi un yamada na tur hende pa yuda aktivamente pa identifiká i mèldu poseshon
ilegal di arma.
Bo koperashon ta krusial pa tene nos komunidat seif. Si bo tin informashon tokante
poseshon ilegal di arma, nos ta urgi pa bo tuma kontakto ku polis. Por hasi esaki tambe anonimo via
e number 9310. Bo notifikashon por salba bida i yuda nos garantisá e siguridat di nos komunidat.
Si bo a mira algu, a tende algu òf tin informashon relevante pa e investigashon, tuma kontakto ku
polis na 715-8000 òf via di e liña di tep anónimo 9310.
