KRALENDIJK, Bonaire
3 mart 2020 Korte Komun di Antias , konsistiendo di 3 wes lo skucha e otro parti, e abogado I defensa den a kaso di e aresto illegal di James Finies di 6 september 2019, e kaso di abuso di poder polisial, e kaso di keho i apelashon kontra Ministerio Publiko.
E kaso aki lo ta di sumo importansia pasobra loke ta wordu eksamina pa Korte Komun di Antias I e kadena hudisial lo no ta ku sr James Finies ta un sospechoso i a wordu kondena kondishonalmente pa delito kriminal manera Fiskal Blanco a disidi riba su mes I ta relata I deklara na korte di hustisia pero lo sali na kla kiko ta e posishon o e grado di respet ku estado Hulandes, tin pa ley internashonal I derechonan fundamental humano.
Loke a pasa dia di Bonaire 2019 ta un kulminashon di atentadonan organisa I struktural pa mina e derecho mas prinsipal di tur derechonan humano, e derecho di ekpreshon liber, pasobra sin e derecho aki niun otro derechonan no lo ta posibel.
Sr Clifford Frans deliberadamente ta wordu usa pa intimida I menasa James Finies di NKBB. Tambe personanan ku publikamente ta duna nan opinion den programmanan radial di NKBB o na presentashonan, konferensia etc Frans ta aserkanan agresivamente I intimida I menasanan pa stop ku esaki. Asta e ta bai na nan kas o negoshi I tur e personanan aki ta sinti nan bida menasa. Apesar ku tin deklarashonan di e personanan aki entrega na polis I James Finies ku basta resistensia I kontratiempo a logra pa polis tuma e denusia I keho, NKBB ta di opinion, ku ni polis ni fiskal I ministerio publiko no ta tumando esaki na serio , aukue ku Frans ku tin un rekort mental I kriminal ta bon konosi pa polis.
James Finies I NKBB, un anja pasa a duna keho por eskrito na Gezaghebber Rijna komo outoridat maximo ku mester soru yuda mantene estado derecho I proteha derechonan fundamental human, ku e korant Extra a denunsia publikamente 6 mart 2019 riba pagina 31 ku nan a wordu aserka pa media Hulandes, basa riba un “pakto I akuerdo general di tur media” pa konspira I boykot I silensia Sr James Finies I NKBB, pero ni gezaghbber Rijna ni fiskal no a follow up ni hasi nada ku e denunsia aki.
Loke ta birando evidente ku e kasonan ariba menshona ku, James Finies I NKBB ta wordu initimida I menasa dor di Frans manda o paga pa James Finies no por opina publikamente, I prensa Hulandes ta intimida I menasa prensa Boneriano pa boycot I silensia James Finies, I polis ta intimida, abusa di poder I aresta James Finies illegalmente, na e otro banda fiskal I minisyterio publiko ku no ta hasiendo nada den niun di e kasonan prome, fiskal Blanco ta disidi di kondena James Finies kondishonalmente pa delito kriminal ku e meta pa silensie.
Pa es motibunan menshona aki e kaso di keho kontra polis, fiskal I ministerio publiko I gezaghebber lo ta mayor importansia pa test I evalua ku tin trias politika den Reino Hulandes I ku estado Hulandes su sistema di korte ta konta ku huesnan independiente ku lo defende ley internashonal I derechonan humano o ku nos ta bibando den un estado totalitario I di dikatatura ku libertat di ekspreshon I derechonan humano no ta wordu respeta i proteha pa e sistema legal Hulandes.
James Finies I NKBB ta demanda gezaghebber Rijna, hefe di polis Rosales I fiskal Blanco pa nan tuma nan responsabilidat pa nan akshon illegal, si no historia lo mustra ku nan a konspira pa initimidashon pa silensia James Finies I NKBB pa mantene e estado kolonial aktual.
