KRALENDIJK,Bonaire
Yamada urgente na tur sektor, Negoshi, Sindikatonan, Religioso, Turistiko, Bonhata, USIBO, BBE, tur suidadano Boneriano pa stop gezaghebber Rijna I gobierno lokal I gobierno Hulandes pa importa korona-virus na Bonaire pa implanta miedu bao di e populashon lokal.
Te ku awe Bonaire a wordu di spar di e korona-virus COVID-19 I despues di a sera skolnan, ofisinanan di gobiernu, ets I despues di lock-down di airport I haf riba 16 mart 2020 – E korona-virus manera establese pa WHO ta tuma ca 14 dia pa manifesta I infekta otronan- I awor kasi dos luna despues Bonaire tin 0, sero kaso di korona-virus.
Pueblo Boneriano manera otro pueblonan na mundu a wordu pusha den un situashon di miedu I kaos I a biba kada dia e krisis pa evita e risiko di wordu kontamina pa e korona-virus. E pueblo Boneriano a sigui I mantene su mes na tur ley I regulashonan preventivo. Asta kaminda e regulashonan ku ahinda ta na vigor, tabata altamente deskriminatorio kontra e poblashon lokal su manera di biba I kontra tur logika: pa ehempel kaminda ku restaurantnan-sektor-horeca, kasi tur propiedat di Hulandesnan-Oropeo ku despues di aneksashon di Bonaire na 10-10-10 pa motibu di eliminashon di sektor I empresarionan Boneriano – restaurantnan ta permiti pa keda habri bao di e ley di distansiamentu sosial pa tin 50 hende na e mes momento den nan negoshi/ restaurant (business as usual?) mientras di otro banda e fasilidatnan di deporte kaminda ni dos(2) hende por praktika deporte o kaminda no ta permiti mas ku tres (3) hende na beach. E lokalnan a wordu para I depriva di algu di rekreashon bao di e mesun ley-preventivo diskriminatorio pa risiko di korona. Ta kon por splika esaki?
Awor kasi dos (2) luna despues ku no tin niun, sero kaso di korona na Bonaire, gezeghebber Rijna, e porta-bos di gobierno Hulandes, den deklarashon publiko parse di a ekspone e plan Hulandes pa importa, introdusi e korona-virus na Bonaire. Sr Rijna ta informa: “pasobra Bonaire ahinda no tin ni un kaso konfirma, ku e suidadonan Boneriano mester ora ku na tin simptomanan paresido di grip-korona mester yama pa wordu di test pa korona-virus”
I na e mes momento Sr Rijna ta divulga ku ca 250 suidadonan registra na Bonaire ku aktualmente ta den eksterior lo wordu re-patria I bolbe Bonaire for paisanan/areanan infesta ku Korona I ku esaki lo ta bao di guia estrikto I medidanan preventivo I ku e hendenan aki lo bai den quaratino pa 14 dia ku un buddy designa pa soru pa nan nesesidatnan personal.
Esaki ta un desishon masha irresponsabel ku lo por pone gezagheber Rijna, e gobierno lokal, I e gobierno Hulandes ku ta esun ku ta disidi den e status kolonial aki, responsabel pa importashon di kualke kaso-di-korona I responsabel pa tur konsekwensia I posibel mortonan na Bonaire. E uniko manera ku e virus por yega Bonaire awor ta di importe. E mesun manera ku e gobiernu Hulandes ku ta rule na Statia resientemente a importa e korona-virus na Sint Eustatius dor re-partiashon, dor di un kargado di e virus. Niun hende na Bonaire por infekta otro ku o sin distansiamentu sosial pasobra e virus no ta na Bonaire. E mester wordu importa I manera gezaghebber Rijna parse di a anunsia ta premirando pa un test positivo pa asina por ordena un lock-down total pa sigui tene e pueblo den en status di miedu I kontrol kompletu? E pubelo Boneriano no tin derecho pa hanja algu bek di nan manera di biba? Bonaire no por keda un isla-liber-di-korona?
Loke a bira normal riba un isla di menos ku 20mil ku kasi tur dia nos ta eksperiensando diferente I in-eksplikabel mortonan natural bao di nos lokalnan den nos sistema di kuido. Pero awor desde e korona-krisis e mortonan diario/semanal natural aki parse di a stop di golpi na Bonaire- por ta pasobra dor di e korona mortonan mester wordu di investiga I raporta internashonalmente? Despues di dos luna sin niun kaso di korona, e anunsio espantoso di gezaghebber Rijna – ku nos ta na komienso di un periodo nobo pa bai test- pa sa di berdat ku nos no tin korona? Pa test serka esnan ku a kaba di yega for Oropa e Hulandesnan -eksperto-di- korona riba un isla liber-di-korona? E mensahe aki di e gobierno Hulandes vosifera pa gezagheber Rijna ta pa spierta o informa nos ku e eliminashon kontinou di e poblashon Boneriano awor lo sigui bao di e preteksto di e korona-virus importa pa e gobierno Hulandes?
James Finies, Presidente Fundashon Nos Kier Boneire Bek
