Entrante promé di yuli 2021, lo a kambia e Reglamento di derechinan seguro di kuido BES (‘Raz BES’) den varios area. Ta trata di aklarashon di un kantidat di derechi i ampliashon òf restrikshon di algun kondishon.
Dor di spesifiká un kantidat di artíkulo, no ta surgi arbitrariedat den e kompensashonnan, pero ta hala un liña kla tokante kiko ta kompensá i no ta kompensá.
Na kontinuashon lo indiká un selekshon di e artíkulonan modifiká.
Pa optené un deskripshon detayá di tur e kambionan, bo por chèk: https://www.
Lokual si ta kompensá
Tratamentu dental
E asegurado tin derechi pa libra e boka di infekshon si esaki ta nesesario pa e tratamentu médiko. Esaki ta rekerí pèrmit di adelantá.
Ekstensamente
Kontribushon di penshonado na kuido (médiko) pa periodo largu
Ku e kambio aktual, ta reglá ku no henter e montante di penshun ta bai pa e instituto di kuido, pero un parti di esaki ta keda serka e persona interesá (destiná pa zakgeld i pa kumpra paña).
Antikonseptivo
A amplia e kompensashon di rekurso pa prevení embaraso. Awor lo kompensá renchi antikonseptivo hormonal tambe.
Klarifikashon i restrikshon
Un di Dos Opinion (Second Opinion)
Ora un asegurado tin duda tokante tratamentu di un provedor di kuido médiko, den konsulta ku e provedor di kuido médiko konserní i e Ofisina di seguro di kuido BES, por pidi un di dos opinion (second opinion) serka un otro provedor di kuido médiko. E di dos opinion (second opinion) mester tuma lugá na e parti Karibense di Reino, e ta enserá un konsulta basá únikamente riba e datonan ku ta bin di e file fasilitá dor di e asegurado. Petishon pa un di dos opinion (second opinion) ta tuma lugá via e referente.
Kuido Sikológiko primario
Pa ta elegibel pa kompensashon pa kuido sikológiko primario, mester hasi un diagnóstiko evidente (trastorno) di akuerdo ku DSM V. Kehonan grave ku manera antisipá ta rekerí mas ku nuebe tratamentu, no ta kai bou di atenshon sikológiko primario pero bou di kuido médiko spesialisá.
Tratamentunan IVF
A adaptá e definishon di tratamentunan IVF na e definishon indiká den e Dekreto di Seguronan Médiko di Hulanda. Ku esaki ta klarifiká ku anulashon di sterilisashon no ta forma parti mas di e tratamentu di IVF i por lo tantu, esaki no ta elegibel mas pa kompensashon.
Sirugia di wowo ku Laser
Lo no kompensá sirugia di wowo ku laser pa koregí re-frakshon, pa garantisá ku un asegurado no mester di brel òf lèns mas.
Pedikür médiko
Ora ta hasi petishon pa pedikür médiko, mester proporshoná un klasifikashon di riesgo di pia diabétiko hustifiká, manera stipulá den e Guia di Pia Diabétiko di e Federashon di Spesialistanan Médiko.
Fisioterapia i terapia di ehersisio.
Ta ahustá kompensashon pa fisioterapia i terapia di ehersisio a base di kompensashonnan di Hulanda Oropeo.
Terapia di abla (Logopedia)
Petishonnan mester kumpli ku sierto rekisitonan. A klarifiká e Raz BES riba e punto aki. Ademas, den e Raz BES, awor tambe a establesé ku kuido di logopedia no ta referí na asuntunan di atenshon médiko relashoná ku problemanan di idioma ku por resolvé mediante edukashon regular, manera bilingwismo òf retraso den idioma.
Pelukanan
Lo kompensá pelukanan ora un kondishon médiko òf tratamentu médiko ta e kousa di un perdida total òf parsial permanente òf di durashon largu di kabei
Raz BES (Reglamento di derechinan seguro di kuido BES)
Pa optené mas informashon tokante e derechinan di seguro di kuido BES 2021, klik riba e siguiente link:https://wetten.overheid.
Balides legal
E tekstonan menshona i reprodusí aki tin e intenshon pa duna informashon general na e poblashon di Boneiru, Saba i Sint Eustatius. No por derivá ningun derechi for di esaki.