Kabinet Hulandes ta manda rapport di progreso tocante pasado di sclavitud pa Tweede Kamer

Awe, Kabinet a manda un rapport di progreso tocante reaccion di Kabinet tocante pasado di sclavitud pa Tweede Kamer. Den e carta ta keda cla cua paso a tuma for di momento cu a pidi disculpa pa e pasado di sclavitud y con e siguiente proceso lo mustra. A traha riba e compromisonan di reaccion di Kabinet, manera desaroyo adicional di e fondo di €200 miyon y e comite di conmemoracion. Tambe, Kabinet ta intensifica e esfuerso pa combati discriminacion y racismo, incluso pa reforsa posibilidad contra-discriminacion, tambe den Caribe Hulandes. Ademas, a cuminsa caba cu asunto concreto, manera diferente compromiso na e seis islanan, Ley di Trato Igual cu ta drenta na vigor na Boneiro, Saba y Sint Eustatius y e posibilidad di cambio di nomber di descendiente di persona haci catibo.

Siguiente trayecto “despues di coma”

Dia 19 di december pasa, Minister President Rutte a pidi disculpa na nomber di gobierno pa envolvimento y rol di Estado Hulandes y nan predecesornan historico den pasado di sclavitud na tur descendiente mundalmente y posthumo na nan descendientenan cu te awe ta experencia e consecuencianan di e pasado aki. E ultimo lunanan a consisti di combersacion cu descendiente y otro partido envolvi tocante e disculpa, na Aruba, Curaçao, Boneiro, Sint Maarten, Sint Eustatius y Saba, na Hulanda Europeo y na Suriname.

Fondo y comite di conmemoracion

Dos compromiso importante for di reaccion di Kabinet ta e organisacion di un comite di conmemoracion y e fondo di €200 miyon. E comite di conmemoracion lo compromete pa un conmemoracion di pasado di sclavitud mas grandi y di un manera digno den henter Reino, unda sea  posibel den colaboracion cu Suriname riba e tereno aki. E fondo ta parti den dos parti. €100 miyon ta destina pa un areglo di subsidio pa iniciativa social. E punto di salida ta cu e placa for di e fondo ta disponibel pa tur hende di manera facil y amplio. E otro €100 miyon ta destina pa ehecuta medida di conocemento y conscientisacion, reconoce y conmemora, inpacto y procesamento. Un ehempel di esaki ta e posibilidad pa cambia nomber di esnan haci catibo sin gasto. Mester tin un balansa geografico den inversion di e medionan. Tambe, descendiente y otro partido envolvi lo haya un papel activo den desaroyo adicional di e medidanan scogi. Kabinet ta keda den combersacion cu descendiente y otro partido envolvi den tur etapa di e fondo y tambe den organisacion di e comite di conmemoracion. Meta ta pa e areglo di subsidio pa iniciativa social ta cla den voorjaar di 2024, of lo mas pronto posibel, y pa e Comite di Conmemoracion por cuminsa zomer di 2024.

Parti Caribense di Reino

Kabinet, a cera compromiso cu tur e islanan dia 19 di december. Awor nan ta haya forma hunto cu descendiente, organisacion social y representante di gobierno di e islanan. Ehecucion di e compromisonan y yega na un punto di bista tin un propio forma y ritmo pa cada isla. Kabinet ta investiga con nan por duna sosten na diferente organisacion den nan trabou, cu atencion special pa organisacion grass roots y compromiso di comunidad. Pa esaki, Kabinet ta organisa un encuentro den area Caribense despues di zomer, cu participante di tur seis isla.

Iniciativa y compromiso pa isla

Aruba, Boneiro, Curaçao

Na Aruba, comision ‘Conscientisacion pasado di sclavitud Aruba’ a cuminsa cu un campaña di conscientisacion. Archivo Nacional Aruba ta trahando pa haci Archivo Colonial investigabel cu yudansa di software di reconocimento di manuscrito. Ademas, nan ta trahando na material pa les y un monumento pa heroina di resistencia Virginia Dementricia.

Na Boneiro, Comision di 1e di juli di Gobierno Insular a ricibi e encargo pa aumenta conscientisacion di pasado di sclavitud Boneiriano. Esaki ta tuma luga door di pone material di les y otro actividad disponibel. Ademas, Grupo di Dialogo Boneiro ta traha na realisacion di un monumento di fam/nomber. Ta haci buki ‘Bonaire, een koloniale zoutgeschiedenis’ disponibel pa scol cu material di les adecua.

Na Curaçao, rehabilitacion di Tula ta compromete. Den plan di Plataforma Sklabitut i Herensia di Sklabitut, rehabilitacion ta simbolo di un movimento di emancipacion y conscientisacion amplio. E plataforma a hinca un programa amplio den otro rond di 3 di october, dia di fayecimento di Tula. Financiamento di e programa aki a keda otorga na e plataforma.

Sint Maarten, Saba, Sint Eustatius 

Minister-president di Sint Maarten a establece Advisory Committee on Slavery, Atonement and Reparations oficialmente. Nan lo haci recomendacion na gobierno di Sint Maarten tocante continuacion di e disculpa. Kabinet ta considera importante pa Sint Maarten pasa door di e proceso aki den nan propio tempo, pa despues hunto nan kier forma continuacion di e disculpa.

Na Sint Eustatius, Kabinet a compromete pa financia un monumento of luga di recuerdo di sclavitud, y tambe pa brinda sosten financiero y tecnico na trabou di Sint Eustatius Cultural Heritage Implementation Committee segun nececidad.

Na Saba, a haci diferente compromiso cu ta pas den un esfuerso amplio pa conscientisacion di pasado di sclavitud. Manera investigacion genealogico pa descendiente y un monumento. For di e combersacionnan a resulta cu aki ta importante tambe pa organisa participacion y desaroyo di material di les.

Riba tur isla tin hopi atencion pa conservacion, maneho y desblokeo di herencia colonial y di  sclavitud; disponibilidad di Fondo di Cultura di Reino riba e islanan; infrastructura cultural disponibel; y facilidad di museo.

Aña di conmemoracion di pasado di sclabitud
For di 1e di juli 2023 te 1e di juli 2024 Aña di Herencia di Slavernijverleden lo tuma lugar. Pa e aña di herencia aki, a crea dos fondo pa organisa actividad cultural, social y educativo. Punto di enfoque ta perspectiva cu ta forma parti di un pasado cu te awor tabata den scuridad, y cu ta desea di conmemora herencia sclavitud den Reino Hulandes, y e periodo di trahado contractual. Interes pa esaki ta grandi. P’esey e medionan disponibel pa Mondriaan Fonds y Fonds voor Cultuurparticipatie a ser triplifica. Pa ambos fondo tin €2 miyon extra. E suma aki ta un adicion na e €2 miyon cu a compromete na dje prome, cu ta pone un suma total di €6 miyon disponibel. Tin trata di un bon cantidad di proyecto, manera Wintertuin Curaçao (proyecto literario/plataforma digital tocante historia comun di Curaçao y Gana). Fonds voor Cultuurparticipatie ta percura pa supervision adicional na organisacion tanto na Hulanda Europeo como na tur seis isla. Ademas, un parti di e suma aki ta marca pa e parti Caribense di Reino.