Cuerpo policial a duna presentacion y splicacion di nan trabou diario cu e cachonan policial na muchanan y hobennan cu a sigui cuia di “Buki di Pret “. Corte Aruba a participa e aña aki un biaha mas na e proyecto di “Buki di Pret. Cu esaki e muchanan y hobennan a haya amplio splicacion di e tareanan di corte , pero tambe a haya un bunita presentacion di polisnan K9 cu ta esunnan cu ta pendiente na momento cu casonan pisa ta tuma luga den corte of cu tin presonan pisa cu mester presenta dilanti Huesnan.
A splica e muchanan kico ta e bida diario di e cacho , con e ta wordo cuida y kico ta su funcion den comunidad cu e ta brinda servicio na Pais Aruba. Muchanan den sala a haci diferente pregunta y a keda hopi sorprendi cu e tarea di e cashonan cu ta duna servicio na Pais Aruba.
Un di e cachonan ta special pa Hole casi tur tipo di droga, placa , arma y balanan di arma. Mayoria biaha e cacho ta traha na momento cu ta haci inval na casnan of ora tin container, maleta na aeropuerto. E cacho ta keda getrain cu un bala cu ta pone diferente holo riba dje. Tambe tin un di e cachonan cu ta ataca hende cu ta haci malo y no ta scucha ordo di polis y cu e kier hui. E casho ta core tras di e persona aki y e ta getrain pa gara su brasa of su pia.
Abos cacho a duna un presentacion den casa di corte pa e muchanan mira e trabou diario di e cacho.
