Aruba ta den un temporada basta calor Departamento di salubridad publico ta kere ta importante pa tur hende ta consciente cu ta importante pa bebe hopi mas awa cu normal. Departamento di salubridad publico ta mira e peliger di e calor pa cierto ciudadanonan den nos comunidad.
Vocero di DVG Jurette Croes ta duna di conoce cu e simannan aki ta extremadamente calor y ta trece peliger pa cierto ciudadanonan den nos comunidad, esaki sigur ta conta pa nos muchanan, hende grandi riba 65 aña, nos muchanan hobennan y hende grandi special, pero tambe di e personanan cu ta sufri di obesidad, presion halto tur ta personanan cu ta na risico den e temporada di calor aki si nan no ta optimalmente cuida.
Ta importante pa tene na cuenta pa e muchanan no hunga den solo durante cu e solo ta hopi halto , prinsipalmente entre e orarionan cu ta mas calor cu ta 11or pa 2 or di atardi pa no laga e muchanan hunga den e orarionan aki, pero na e mes un momento pa e muchanan por bebe suficiente likido si nan ta den solo.
Segun Jurette Croes importante ta pa bebe awa y no juice of refresco of bebidanan cu tin hopi sucu. Tambe pa e hende grandi nan ta conta mes un cos y preferiblemente evita cafeina y of alcohol pa asina evita cu ta haya deshidratacion.
Un yamada ta bay na tur scol,departamentonan of companianan cu tin trahado cu ta traha pafo pa tene cuenta cu esaki. Porehempel personanan cu ta haci limpi canto di caminda cu ta vunerabel den e dianan aki, sigur ta importante cu e doño di trabao tambe ta tene consideracion of duna nan trahadonan informacion pa nan bay cu extra awa pa nan ta hidrata durante di e momentonan cu ta hopi calor.
Tambe ta importante pa sa y tuma nota si un persona ta hayando un heatstroke, hopi biaha e personanan aki ta stop di soda, nan cuero ta bira cora nan ta cuminsa sinti cu nan cabes ta cuminsa drey y hasta tin biaha nan ta haya sacamento y tin biaha nan ta haya diarea pesey mes ban ta alerta na otro y si ta mira un persona cu ta duna e señalnan aki pa dune asistencia mesora.
Por yuda tipo di personanan asina pa dune un poco awa lauw pa bebe y sake for di e espacio cu e ta na e momento ey cu ta e area cu ta hopi calor. Tambe por fria su curpa un poco unda cu por muha su man, bao di su cocodek, lomba y bao di su mannan cu awa pa asina e temperatura por baha bek, pero tambe sigur pidi asistencia medico pe e persona mesora.
Nos na Aruba tin un tendencia Loke ta hopi importante ta cu bebe awa friu ta bon, segun vocero di DVG Jurette Croes e conseho ta keda pa bebe awa lauw y e lo kita e set mesora y evita di bebe awa hopi friu na momento cu bo curpa ta hopi cayente di solo.
Sinembargo DVG ta kere cu nos no mester focus solamente riba comunidad di Aruba pero e comunidad completo cu ta di localnan y turistanan cu tambe ta gosa di nos solo aki na Aruba. Sinembargo DVG su tarea no ta den e area turistico y no tin un link directo cu e turista, pero e tin tur confiansa cu AHATA y A.T.A ta hiba e mensahe den e sector turistico cu tambe ta uno hopi importante pa e turistanan cu ta haci uzo di nos beach nan y ta drumi den e solo cayente pa nan tin awa semper bay rond di nan y evita un poco di bebidanan cu sucu pa asina nada malo no pasa e salud. Prinsipalmente e grupo di turistanan di edad halto.
1 comment
[…] Source link […]