ORANJESTAD, Aruba
Awe den oranan di merdia Juez a bishita Dump parkietenbos pa wak e situacion cu awor tin un caso contra pa locual ta e incinerator y e gasnan venenoso cu ta sali drenta den e barionan den bisindario y causa daño na e salud di e ciudadanonan. Abogado Desiree Croes cu ta e abogado cu ta bringando e caso aki a bin ta splica cu e ta sumamente contento pa e caso y su clientenan cu juez mes a bin presenta awe pa por wak e situacion hunto cu nan pa por toets mas mihor kiko ta e hechonan di a caso aki y kiko exactamente ta e kehonan cu e ciudadanonan tin lunas ta bisando caba te cu awor mester a lanta un caso pa por bringa dump parkietenbos pa cu e daño cu nan ta causando cu e incinerator y tur w holornan y gasnan venenoso cu ta saliendo for di eynan. Sra. Croes ta spera cu esaki tawata suficiente cu awor e Juez conserni por toets pa su mes y tuma un veredicto bon cu e hechonan cu ela logra wak y obtene awe. E situacion di dump no ta un situacion di awor, pero for di basta anja caba cu mester a tuma un desicion y haci cambionan pa dump di parkitenbos wordo sera.
