ORANJESTAD,Aruba
Aruba Airport Authority N.V. (AAA) a ricibi e grato noticia awe cu JetBlue Airways lo lanza un ruta nobo for di Newark (EWR), cuminsando 19 di November 2020, diariamente.
JetBlue a anuncia awe cu nan lo lanza 24 ruta nobo mas despues den e aña aki cu intencion pa genera mas entrada y pa capta trafico riba un variedad di rutanan nobo y non-stop – hopi di nan nunca opera anteriormente dor di e aerolinea. Cada ruta ta fortifica JetBlue su poder den e ciudadnan cu tin nan focus den Florida, Latino America y Caribe o den vuelonan “cross-country” o transcontinental. Cada mercado a wordo identifica unicamente como uno unda JetBlue ta premira un aumento pa viahenan di placer. Tur e vuelo nobonan lo start November y December cu nan benta cuminsando for di awe caba. JetBlue su conocido servicio di MINT tambe lo ta disponibel riba cierto buelonan for di Newark.
“Esaki ta e ehempel mas nobo di JetBlue su abilidad pa ta flexibel y hunga un wega offensivo dor di rapidamente ahusta na e comportamento y patronchi di reserva vuelo nobo di nos clientenan” segun Scott Laurence, hefe di ingreso y planiamento na JetBlue. “E serie nobonan aki di rutanan – hasta den e ambiente actual – ta avanza nos strategia di un red revisa, ta regresa mas avion den aire y ta redobla nos manera di por genera mas entrada mas liher”. E anuncio di awe ta e ultimo den un serie di moveshon strategico cu JetBlue a haci pa accelera nan recuperashon y pa genera entrada den e ambiente actual di biahamento.
AAA ta sumamente contento cu e anuncio aki y e no por a yega na un mihor momento. “Nos ta emociona pa wak un ruta mas cu ta wordo añadi na AUA Airport su red mientras cu aerolineanan y aeopruertonan tin retonan grandi pa reconstrui rutanan y nan rednan”. Segun Sra. Jo-Anne Meaux Arends, Air Service Development Manager di Aruba Airport. “E ta un testimonio tambe y confirmashon di un aerolinea su abilidad pa adapta capacidad no obstante e retonan costoso y operacional cu nan ta enfrentando. Aeropuerto Internacional Reina Beatrix (AUA Airport) lo ta mas cu cla pa yama e ruta nobo aki di Newark Bon Bini”.
JetBlue ta New York su “Hometown Airline” y na e momento aki ta opera servicio full aña desde Aruba pa New York y Boston.
