E ciudadano Jeffrey Fradl ta den un lucha legal cu su ex banco RBC Royal Bank of Aruba y Banco Central di Aruba. Tur esaki pa e procedura ilegal cu e ta bisa a hiba contra dje pa cera su cuenta, prome cu ora, cu a trece consecuencia p’e.
Fradl a entrega e klacht na april 2018 na Banco Central di Aruba contra RBC Royal Bank (Aruba) y ta pidi CB cuminsa un investigacion contra RBC. Berdad nan a studia e caso, pero prome cu nan por a caba Fradl a pidi tempo pa e entrega un rapport financiero nobo. Nan a dun’e tempo y el a logra entrega e documento aki na mei, 2018. Y a pone algun informacion mas aserca.
Despues cu RBC a haya chens di reacciona cerca CB, Fradl na december 2018 a bin tende for di e instituto financiero cu su klacht ta “niet ontvankelijk”.
Fradl y su abogado mesora a bay den obheccion contra e decision aki, pero sin cu a manda e obheccion pa Bezwaaradviescommissie di LAR, un biaha mas Banco Central di Aruba a tuma e decision pa bisa cu e ta “niet ontvankelijk”.
Fradil a dicidi di bay LAR Hof. E caso aki ta wordo trata awe den Corte.
Prome cu e caso tuma luga, Fradl y su abogado a tuma nota cu no a yama RBC como partido envolvi. Nan ta pidi pa ordena Banco Central haci un investigacion profundo riba e keho entrega. A resulta cu RBC Bank na februari 2010 – sin ningun aviso – a freeze e cuenta coriente di e negoshi di Fradl te ora cu e compania di Fradl a wordo bendi den vindishi na 2010.
A entrega documento pa mustra cu RBC no tabatin ningun titulo legal pa bende e negoshi di Fradl na vindishi. A papia di valsheid in geschrift cometi contra Fradl pa mas cu 88 mil florin cu nan a “verduisterd”.
Nan ta spera cu na final di e investigacion di Banco Central, tin base pa loke Ministerio Publico cuminsa cu un investigacion penal contra RBC.
Den e caso nan a trece dilanti cu a comete falsificacion di documento cu su placa pa loke ta e benta di su auto cu tabata costa rond di 90 mil florin y entrada confisca di huur di su borch di propaganda den centro di Oranjesta (Afl. 44.629,40) y un suma cu RBC Bank a deposita bek di Afl. 44.178,-. Esaki ta en total mas cu Afl. 88.807,40 sin e entrada di benta di su auto y tur e placa aki a disparce. Nada di esaki ta aparece mas riba su statementnan. Pesey e ta papia di verduistering.
Banco Central tampoco a reacciona riba e dos rapportnan financiero.
Mirando cu LAR Hof no a yama RBC como di tres partido envolvi, e ta conclui cu e tratamento ta gefix caba y cu e no por spera un proceso husto.
Mirando esey, el a manda un copia di tur su documentonan pa Ministerio Publico di Aruba, Prome Minister, Minister di Husticia, Gobernador, prensa y Banco Central di Hulanda.
